Türkiyə klubunun almaq istədiyi futbolçumuz Daniel Axtyamov imiş

Türkiyə klubunun almaq istədiyi futbolçumuz Daniel Axtyamov imiş
XƏBƏR 29 İyul 2010 / 13:09 1868
-  A +

Türkiyənin Bank Asya birinci liqa təmsilçisi “Qaziantep Böyükşəhir Bələdiyəspor”un transfer etmək istədiyi azərbaycanlı futbolçunun kimliyi müəyyənləşib. Qol.Az-ın məlumatına görə, bu, yığmamızın sabiq futbolçusu Daniel Axtyamovdur. Bu haqda “Neftçi”nin rəsmi saytı xəbər yayıb. Məlumatda bildirilir ki, 25 yaşlı hücumçu dünən Türkiyə klubunun heyətində “Neftçi”yə qarşı keçirdikləri yoxlama oyununda iştirak edib. Axtyamovun baxışda olduğu klub təmsilçimiz üzərində 2:1 hesabıyla qələbə qazansa da, o, qol vura bilməyib. Amma hücumçu axtaran Qaziantep təmsilçisinin onu sıralarına qatmaq ehtimalı yüksəkdir. Hər halda “Qaziantep Böyükşəhir Bələdiyəspor” klubunun prezidenti Ünsal Göksən adını açıqlamaq istəmədiyi azərbaycanlı bir əcnəbi futbolçunun sınadıqlarını, anlaşacaqları halda, transfer edəcəklərini bildirmişdi. Axtyamov əslən rus olsa da, xeyli vaxtdır milliləşərək Azərbaycan vətəndaşlığını daşıyır. Ona görə də yığmamıza cəlb olunan bu futbolçu Türkiyədə legioner sayılmayacaq. Legionerlərə qadağa qoyulduğu Bank Asiya I liqasında isə iki azərbaycanlı futbolçunun oynamasına icazə verilir.
Qeyd edək ki, bu, Axtyamovun Türkiyədə özünə kluba tapmaqla bağlı ikinci cəhdidir. Ötən yay artıq Superliqanı tərk edən “Konyaspor”da baxışda olan hücumçu geri qaytarılmışdı.


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib