"Neftçi" son oyununda məğlubiyyətlə barışmalı oldu

XƏBƏR 29 İyul 2010 / 11:16 2164
-  A +

"Neftçi" Türkiyənin Bolu şəhərindəki son yoxlama oyununda "Qaziantep Böyükşehir Bələdiyyəspor"la qarşılaşıb. Qol.Az-ın paytaxt klubunun rəsmi saytına istinadən məlumatına görə, hesabda irəli çıxan komandamız bir neçə dəfə qol şansından yararlanmayıb və sonda qapısından iki top buraxaraq, məğlub olub.
5-ci dəqiqədə Rəşad Abdullayevin iti bucaq altında vurduğu zərbə qapı tirinə tuş gəlib. 32-ci dəqiqədə Mirhüseyn Seyidov sağ cinahda yan xəttin üzərindən penalti nöqtəsinə doğru Bahodir Nasimova ötürmə verib ki, özbək hücumçu da öz növbəsində güclü zərbə ilə topu qapıya göndərib - 1:0. Lakin 51-ci dəqiqədə "Neftçi" meydanın mərkəzində topu itirib və nəticədə rəqib əks-hücum qurub. Cərimə meydançası daxilindən vurulan zərbə dirəkdən dönsə də, təkrar zərbə ilə "Qaziantep BB" hesabı bərabərləşdirib - 1:1. 67-ci dəqiqədə isə cərimə zərbəsi zamanı qapıçı Rauf Mehdiyev çıxışda gecikib ki, bundan istifadə edən rəqib komandanın futbolçusu başla qol vurub - 1:2.

"Qaziantep BB" - "Neftçi" - 2:1

"Neftçi"nin start heyəti: Elçin Sadıqov, Ruslan Abışov, İqor Mitreski, Ruslan Əmircanov, Alessandro da Silva, Elmar Baxşiyev, Slavko Georgievski, Mirhüseyn Seyidov, Rəşad Abdullayev, Flavinyo, Bahodir Nasimov.
"Neftçi"nin heyətində meydana sonradan daxil olanlar: Rauf Mehdiyev, Denis Silva, Cavid İmamverdiyev, Cavid Hüseynov, Tərlan Quliyev, Aleksandr Burduli, Araz Abdullayev, Ruslan Qurbanov.


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib