“Muğan” İlqarla Ernaninin komandasına qalib gəldi

“Muğan” İlqarla Ernaninin komandasına qalib gəldi
XƏBƏR 23 İyul 2010 / 15:01 1877
-  A +

Növbəti mövsümə hazırlıqlarını Türkiyənin Qızılcahamam istirahət mərkəzində davam etdirən "Muğan" yoldaşlıq oyunu keçirib. Qol.Az-ın məlumatına görə, Salyan klubunun rəqibi həmyerlilərimiz İlqar Qurbanovla Ernani Pereyranın şərəfini qoruduğu "Mersin İdman Yurdu" olub. Qeyd edək ki, əslində bu komandalar hələ iyulun 20-də qarşılaşmalı idi. Lakin ondan bir neçə gün öncə Türkiyədə hazırlıq keçən digər təmsilçimiz AZAL-la qarşılaşan mersinlilər İlqar da daxil olmaqla bir  neçə futbolçusunu zədə üzündən itirdiyindən, “Muğan”la qarşılaşmanı təxirə salmışdı. Lakin dünən axşam nəhayət bu komandaların oyunu baş tutub. Nəticədə təmsilçimiz Bank Asya birinci liqa klubu üzərində 2:1 hesablı qələbə qazanıb. "Mersin İdman Yurdu"nun heyətində Yosep və Banqura qırmızı vərəqə alıb. "Muğan"ın ilk qoluna 60-cı dəqiqədə Tural Axundov imza atıb. İkinci qol 84-cü dəqiqədə penaltidən vurulub. "Mersin İdman Yurdu"nun təsəlli qolunu isə "Muğan"ın qapısından son dəqiqədə yenə penaltidən Şehmuz keçirib. Xatırladaq ki, AZAL-la oyunda İlqarla Ernaninin komandası 1:1 hesablı heç-heçəyə nail olmuşdu.

Daha çox


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib