“Bakı”nın üzvləri 4 cavabsız qol vuracaqlarına inanırlar

XƏBƏR 22 İyul 2010 / 20:42 2703
-  A +

UEFA İntizam Komitəsinin “Bakı” - “Buduçnost” oyununun nəticəsini (2:1) ləğv edərək, komandamıza texniki məğlubiyyət (0:3) versə də, “zolaqlılar” bu qərarın onların qələbə əzminə təsir göstərmədiyini bildirib. Qol.Az-ın paytaxt klubunun rəsmi saytına istinadən məlumatına görə, əsas heyətin bir neçə üzvü verdiyi açıqlamada çətin sınaqdan üzüağ çıxmağa çalışacaqlarını bildiriblər:
Jaba: “Bu cür vəziyyətlə qarşılaşmaq istəməzdik. Amma indi nəyisə dəyişmək mümkün deyil. Bizə yalnız meydana çıxıb, 0:3-ün əvəzini çıxmaq qalır”.
Aleksandr Soliç: “Belə halla qarşılaşddığımız üçün çox təəssüflənirəm. Lakin qarşıda bizi daha 90 dəqiqə gözləyir. Mübarizə hələ bitməyib”.
Saşa Kaykut: “Bu cür vəziyyəti heç kim ağlına gətirmirdi. İndi yalnız axşamkı matç barədə düşünüb, sərfəli nəticə qazanmalıyıq”.
İbrahim Karqbo: “Bu qərar motivasiyamızı poza bilməz. Biz bura qələbə dalınca gəlmişik. Ona görə də üzərimizə düşəni edib, istədiyimiz nəticəni qazanmalıyıq”.
Cəmşid Məhərrəmov: “İndi yalnız meydana çıxıb, 4 cavabsız qol vurmalıyıq. Bilirəm, bu çətin görünür. Amma həyatda, xüsusən də futbolda mümkünsüz heç nə yoxdur”.
Dari Nibombe: “UEFA-nın qərarı heç cür oyunumuza təsir göstərə bilməz. Əksinə, biz indi daha da birləşib, növbəti dəfə vahid komanda olduğumuzu göstərməliyik”.
Xalidu Sissoko: “Bakı” hər zaman çətinliklərə sinə gərməyi bacarıb. Bu sınaqdan da alnıaçıq çıxacağımıza inanıram”.
Vadim Borets: “Çox təəssüflənirəm. Lakin zamanı geri qaytara bilmərik. Bütün gücümüzü meydanda qoyub, bu gün böyükhesabla qalib gəlməliyik”.

Daha çox


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib