Rednik Lənkərana gedib, gördüklərini həyat yoldaşı ilə paylaşdı

Rednik Lənkərana gedib, gördüklərini həyat yoldaşı ilə paylaşdı
XƏBƏR 22 İyul 2010 / 17:01 2281
-  A +

“Xəzər Lənkəran”ın yeni baş məşqçisi Mirça Rednik dünən Lənkərana gedib. Qol.Az-ın cənub təmsilçisinin rəsmi saytına istinadən məlumatına görə, gecə vaxtı olduğuna baxmayaraq onu Lənkəranın girəcəyində çoxsaylı azarkeş ordusu qarşılayıb. Rednik maşından çıxaraq azarkeşlərlə görüşüb. Azı 150 nəfərdən ibarət azarkeş qrupu məşqçini əhatəyə alaraq, onunla söhbət ediblər və onun sayəsində komandanın qələbəyə doğru irəliləyəcəyinə inandıqlarını vurğulayıblar. Azarkeşlər Rednikə uğurlar arzuladılar. Öz növbəsində rumıniyalı məşqçi əminliklə bəyan edib ki, azarkeşlərin ümidlərini doğruldacaq. Daha sonra yeni baş məşqçini otelə qədər azarkeşlərin təxminən 20 maşından ibarət karvanı müşaiyət edib.
Klubun bazasına gələn Rednik gördüyündən heyran olduğunu bildirib: “Belə yüksək şəraitə malik olub komandayla çempion olmamaq yaxşı olmazdı”. O, daha sonra evinə zəng vuraq azarkeşlərlə görüşündən qalan xoş hissləri və klubumuzun bazasını görəndən sonra yaranmış xoş təəsüratlarını həyat yoldaşı ilə bölüşüb.

Daha çox


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib