Riberi və Benzema həbs olunmaq təhlükəsi qarşısında

Riberi və Benzema həbs olunmaq təhlükəsi qarşısında
XƏBƏR 21 İyul 2010 / 17:12 1970
-  A +

Fransa millisinin üzvləri Frank Riberi və Kərim Benzemaya qarşı yetkinlik yaşına çatmayan Zahira Dexarla əlaqədə olduqları üçün ittiham irəli sürülüb. Qol.Az-ın məlumatına görə, Dexar hələ apreldə ifadə vermiş və məsələ ilə bağlı araşdırma başlamışdı. Riberi ilə Kərim Benzemaya qarşı rəsmi ittiham isə dünən axşam irəli sürülüb.
Qeyd edək ki, apreldə Fransa polisi Parisdə reyd keçirib və Zahira da daxil olmaqla, bir neçə fahişəni saxlayıb. Dexar bildirib ki, Fransa yığmasının oyunçuları Frank Riberi, Kərim Benzema və Sidney Qovuyla cinsi əlaqədə olub. Ancaq Sidney Qovu fahişə 18 yaşını tamamlayandan sonra onunla cinsi əlaqəyə girdiyi üçün cinayət məsuliyyəti daşımır.
Münhenin Bavariya komandasında oynayan, evli, 2 uşaq atası olan 27 yaşlı Riberi də Zahiranın xidmətindən istifadə etdiyini, ancaq onun yetkinlik yaşına çatmamış olmasını bilmədiyini, yaşından böyük göründüyünü söyləyib. Madrid “Real”ında çıxış edən Benzema isə ona ünvanlanan ittihamları rədd edib. Əgər futbolçular günahkar sayılsalar, onları 3 ilə qədər həbs cəzası və 45 min avro cərimə gözləyir.


Son xəbərlər