Nikola Rakoyeviç bu dəfə iddialı danışdı

Nikola Rakoyeviç bu dəfə iddialı danışdı
XƏBƏR 21 İyul 2010 / 12:25 2115
-  A +

“İlk oyunda məğlub olsaq da, düşünürəm ki, mərhələni məhz biz keçəcəyik. Yəni Danimarkanın “Brondbü” klubu ilə bu il biz oynayacağıq. “Bakı” isə bu rəqiblə gələn il oynayar”. Qol.Az-ın məlumatına görə, bu sözləri Çernoqoriya “Buduçnost”unun baş məşqçisi Nikola Rakoyeviç deyib.
Avropa Liqasının ikinci təsnifat mərhələsi çərçivəsində Bakıda keçirilən ilk oyunda “zolaqlılar”a 1:2 hesabıyla yenilən çernoqoriyalıların çalışdırıcısı həmin qarşılaşmadan sonra ümidsiz danışsa da, nədənsə cavab oyunu ərəfəsində yenə iddialı açıqlamaları ilə diqqət çəkib: “Hesab edirəm ki, cavab oyununda qələbə qazanan tərəf məhz biz olacağıq. Təəssüflənirəm ki, ilk oyunda hesabda öndə olsaq da, sonradan “Bakı”ya iki qol vurmağa imkan verdik. Bu, bizim şanslarımızı azaltsa da, tam itirməyib. Yenə etiraf edirəm ki, komandanız cütlüyün favoritidir. Bunu hətta biz 1:0 qələbə qazansaydıq da deyərdim. "Bakı"-nın heyəti çox güclüdür, təcrübəli, güclü legionerləri var. Onlar futtbolu necə oynamaq lazım olduğunu yaxşı bacarırlar. Bizdə isə heyətin 90 faizi yerli oyunçulardan təşkil olunub. Çoxları hələ gəncdir. Buna baxmayaraq, cavab görüşündə də meydanda gərgin mübarizə olacaq. Futbolda uduzmağı fikirləşsən, meydana çıxmağa dəyməz. Fikrimcə, “Bakı”nın ilk oyunda aşkarlığım zəif cəhətlərindən istifadə edə bilərik”.


Son xəbərlər