“Bakı” Polşa yığmasının və “Legiya”nın hücumçusunu alır

“Bakı” Polşa yığmasının və “Legiya”nın hücumçusunu alır
XƏBƏR 20 İyul 2010 / 16:35 2220
-  A +

Azərbaycan Premyer Liqasının iddialı klublarından olan “Bakı” yeni baş məşqçisi Vinfrid Şeferin rəhbərliyi altında daha bir legioneri heyətinə qatmağa yaxındır. Qol.Az-ın Polşa mətbuatına istinadən məlumatına görə, ötən mövsümün gümüş medalına və ölkə kubokuna yiyələnən paytaxt təmsilçisi heyətini gücləndirmək məqsədilə bu ölkənin “Legiya” klubunda top qovan hücumçu Bartolomey Qjelakla ciddi maraqlanır. Polşalı həmkarlarımızın yazdığına inansaq, guya “zolaqlılar” Qrjelaka artıq rəsmi təklif də göndərib. Xəbərdə o da bildirilir ki, klub rəhbərliyi futbolçuyla anlaşdığı təqdirdə ona “Legiya”da aldığı məbləğdən iki qat artığını vəd edib. Qeyd edək ki, Bartolomey Qjelak “Legiya”da ayına 50 min avro alır. Futbolçunun təklifi qəbul edəcəyi halda, müqavilə imzalamaq üçün sabah Bakıya gələcəyi gözlənilir. Əlavə edək ki, 29 yaşlı hücumçu “Legiya”ya qədər LKS və “Vidzev”in şərəfini qoruyub. Bundan əlavə o, Polşa millisində 4 oyun keçiriv və 2 qol vurub.


Son xəbərlər