Vüsal Hüseynov rəhbərliyi aldadıb, “Gəncə”yə keçmək istəyir

Vüsal Hüseynov rəhbərliyi aldadıb, “Gəncə”yə keçmək istəyir
XƏBƏR 19 İyul 2010 / 16:05 3338
-  A +

Hazırda Türkiyədə təlim-məşq toplanışında olan “Muğan” təcrübəli oyunçularından olan Vüsal Hüseynovu qardaş ölkəyə aparmayıb. Qol.Az-ın məlumatına görə, hələ bir müddət öncə bu futbolçunun klubunu dəyişmək istədiyi, hətta ayrı komandanın heyətində məşq keçməsi haqda informasiyalar dolaşsa da, sonradan bu, təkzib olundu. Klub rəhbərliyi ilə yanaşı, “Muğan”ın rəsmi internet saytına açıqlama verən Vüsal Hüseynov da heç bir yerə getmədiyini, komandada qalacağını açıqlamışdı. Lakin indi məlum olub ki, Hüseynov Türkiyəyə bilərəkdən getməyib və bunda əsas məqsədi də “Gəncə”yə keçmək istəyidir. Rəhbərliyə ayağında zədəsi olduğunu bildirən Vüsal nəticədə Salyan təmsilçisinin hazırlığından kənar qalıb və hazırda Gəncə klubunun düşərgəsindədir. Ancaq oyunçularının onları aldatmasından xoşlanmayan “Muğan” rəhbərliyi də müqavilə ilə onlara məxsus olan futbolçunu buraxmayacaqlarını bəyan edirlər.


Son xəbərlər