“İnter” mərhələ adlaya bilsə, "Sparta"yla qarşılaşmalı olacaq

Bu gün Çempionlar Liqasının üçüncü təsnifat mərhələsinin püşkatma mərasimi keçirilib. İsveçrənin Nyon şəhərində təşkil olunan mərasim Bakı vaxtı ilə saat 15.00-da start götürüb. Qeyd edək ki, Çempionlar Liqasında Azərbaycanı "İnter" təmsil edir. Paytaxt klubu evdə keçirdiyi ilk oyunda Polşa "Lex"inə 0:1 hesabı ilə yenilsə də, mərhələ keçmək şanslarını saxlayır. Bunun üçün "İnter" Poznandakı cavab qarşılaşmasında mütləq sərfəli qələbə qazanmalıdır.

UEFA tərəfindən 1-ci püşk səbətinə salınan “İnter”in 5 mümkün rəqibinin kimliyi az öncədən dəqiqləşmişdi. Bunlardan biri ötən il “Bakı”nı mübarizədən kənarlaşdıran və hazırda birbaşa üçüncü təsnifat mərhələsindəki rəqibini gözləyən İsveçrə “Bazel”iydi. Digər potensial rəqiblər isə ikinci təsnifat mərhələsində mübarizə aparan cütlüklərdən qurulmuşdu: “Hapoel” (Təl-Əviv, İsrail) – “Jelezniçar” (Bosniya və Hersoqovina), “Metallurq” (Latviya) – “Sparta” (Praqa, Çexiya), “Liteks” (Bolqarıstan) – “Rudar” (Çernoqoriya), “Dinamo” (Zaqreb, Xorvatiya) – “Koper” (Sloveniya).
Lakin püşk çempionumuza “Metallurq” – “Sparta” cütünün qalibini çıxardı. Maraq üçün qeyd edək ki, ikinci təsnifat mərhələsinin ilk oyunları çərçivəsində “Sparta” “Metallurq”u səfərdə 3:0 yenib və deməli növbəti mərhələyə də böyük ehtimalla bu komanda yüksələcək.

Püşkatma nəticəsində 3-cü təsnifat mərhələsində aşağıdakı cütlüklər formalaşıb:

“Metallurq” (Latviya) - “Sparta” (Çexiya) cütünün qalibi ilə “İNTER” (AZƏRBAYCAN) – “Lex” (Polşa) cütünün qalibi

“Aktobe” (Qazaxıstan) – “Olimpi” (Gürcüstan) cütünün qalibi ilə “Hapoel” (Tel-Əviv, İsrail) – “Jelezniçar” (Bosniya və Hersoqovina) cütünün qalibi

“Şerif” (Moldova) – “Dinamo” (Albaniya) cütünün qalibi ilə “Dinamo” (Xorvatiya) – “Koper” (Sloveniya) cütünün qalibi

“Liteks” (Bolqarıstan) – “Rudar” (Çernoqoriya) cütünün qalibi ilə Birkirkara” (Malta) – “Jilina” (Slovakiya) cütünün qalibi

“Levadiya” (Estoniya) – “Debretsen” (Macarıstan) cütünün qalibi ilə “Bazel” (İsveçrə)

AİK (İsveç) – “Jeuness” (Lüksemburq) cütünün qalibi ilə “Linfild” (Şimali İrlandiya) – “Rusenborq” (Norveç) cütünün qalibi

“Partizan” (Serbiya) – “Pünik” (Ermənistan) cütünün qalibi ilə “Ekranas” (Latviya) – “Helsinki” (Finlandiya)

BATE (Belarus) – “Hafnarfyordur” (İslandiya) cütünün qalibi ilə “Kobenhagen” (Danimarka)

“Bohemian” (İrlandiya) – TNS (Uels) cütünün qalibi ilə “Anderlext” (Belçika)

“Omoniya (CYP) – FK Renova (MKD) cütünün qalibi ilə  “Zaltsburq” (Avstriya) – “Torshavn” (Farer adaları) cütünün qalibi

“Ayaks” (Hollandiya) – PAOK (Yunanıstan)

“Dinamo” (Ukrayna) – “Gent” (Belçika)

“Yanq Boyz” (İsveçrə) - “Fənərbaxça” (Türkiyə)

“Braqa” (Portuqaliya) – “Seltik” (Şotlandiya)

“Unirya” (Rumıniya) – “Zenit” (Rusiya)

Qeyd edək ki, 3-cü təsnifat mərhələsinin oyunları iyulun 27-28-i, cavab oyunları isə avqustun 3-4-də keçiriləcək.