“Portadaun”un baş məşqçisi “Qarabağ”ı “Mançester Siti” ilə müqayisə etdi

“Portadaun”un baş məşqçisi “Qarabağ”ı “Mançester Siti” ilə müqayisə etdi
XƏBƏR 14 İyul 2010 / 17:25 2270
-  A +

“Qarabağ” Avropa Liqasının birinci təsnifat mərhələsində qarşılaşdığımız Latviya “Skonto”sundan elə də güclü rəqib deyil. Buna görə onlara da qalib gələcəyimizi deyə bilərəm. Ən vacibi odur ki, bu yolda özümüzə inanırıq”. Qol.Az-ın məlumatına görə, bu sözləri “Portadaun”un baş məşqçisi Ronni Makfol deyib.
Sabah doğma meydanda Ağdam təmsilçisi “Qarabağ”ı qəbul edəcək Şimali İrlandiya klubunun çalışdırıcısı “Belfast Teleqraf” nəşrinə açıqlamasında daha sonra bunları vurğulayıb: “Rəqibimiz haqda lazımi informasiyanı toplamaqda davam edirik. Etiraf edim ki, yaxşı komandadır. Lakin biz “Skonto” ilə öz meydanımızdakı 1:1 hesablı heç-heçədən sonra da mərhələ keçmək şanslarımızı yüksək dəyərləndirmirdik. Buna baxmayaraq, sonda uğur qazandıq. İndi də belə uğur qazanmağımız mümkündür. Təbii ki, bu yolda yenə ilk oyunu öz meydanımızda keçirməyimiz xeyrimizədir. Çünki ev oyununda rəqibimizin nəyə qadir olduğunu bir daha görəcəyik və səfər oyununa daha rahat hazırlaşacağıq. “Şemrok Park” stadionunda yaxşı nəticə qazana biləcəyimizə əminəm. Bunu bacarsaq, “Qarabağ”ı keçmək şanslarımız böyük olacaq. Onların büdcəsi o qədər də böyük deyil. Bu komandanı Azərbaycanın “Mançester Siti”si də hesab etmək olar”.


Son xəbərlər