“Qızıl buts” Tomas Müllerə qismət oldu

“Qızıl buts” Tomas Müllerə qismət oldu
XƏBƏR 12 İyul 2010 / 13:51 2044
-  A +

Cənubi Afrika Respublikasında təşkil olunan və dünən başa çatan sayca 19-cu dünya çempionatının bombardiri Almaniya yığmasının hücumçusu Tomas Müller seçilib. Qol.Az-ın məlumatına görə, onunla yanaşı daha üç futbolçu (ispaniyalı David Vilya, hollandiyalı Uesli Sneyder və uruqvaylı Dieqo Forlan) mundialda 5 qol vursa da, sonda məhz gənc vunderkində üstünlük verilib. Bunda isə onun bəzi məqamlara görə, digər rəqiblərindən fərqlənməsi rol oynayıb. Məsələ burasındadır ki, İspaniya ilə yarımfinal görüşünü cəza üzündən buraxan Tomas onlardan daha az oyun keçirib - 6. Vilya, Sneyder və Forlan isə 7 oyun keçirməsinə rəğmən, 5 qol vurub. Elə onun meydandan olduğu dəqiqə sayı da təbii ki, daha az olub. Yəni faydalı iş əmsalının yüksəkliyinə də fikir verilib. Müller həmçinin üç məhsuldar ötürmə etməklə, həmkarlarından fərqlənib. Nəticədə FİFA “Qızıl bits”u məhz 20 yaşlı Müllerə verib. Halbuki, ali futbol qurumu əvvəllər eyni qol vuran futbolçuların hamısına sözügedən mükafatı təqdim edirdi. Tomas həmçinin indiyəqədərki dünya çempionatlarının ən yaxşı gənc futbolçusu seçilib.


Son xəbərlər