Jelinski ilə Sxadadze mətbuat konfransı keçirəcək

Jelinski ilə Sxadadze mətbuat konfransı keçirəcək
XƏBƏR 9 İyul 2010 / 17:26 1878
-  A +

“İnter”in UEFA Çempionlar Liqasının ikinci təsnifat mərhələsində iyul 13-də keçiriləcək Polşa “Lex”i ilə Bakıdakı oyunundan öncə hər iki komandanın baş məşqçilərinin mətbuat konfransı keçiriləcək. Qol.Az-ın paytaxt klubunun rəsmi internet saytına istinadən məlumatına görə, həmin konfrans oyundan bir gün öncə, iyulun 12-də Tofiq Bəhramov adına Respublika stadionunda təşkil olunacaq. “İnter”in baş məşqçisi Kaxaber Sxadadzenin iştirak edəcəyi mətbuat konfransı saat 18:30-da, qonaq komandanın baş məşqçisi Yatsek Jelinskinin iştirak edəcəyi mətbuat konfransı isə saat 19:30-da start götürəcək. Məlumat üçün onu da əlavə edək ki, “Lex” ölkəmizə elə həmin gün - iyulun 12-də gələcək. Çarter reysi ilə Bakıya təşrif buyuracaq poznanlılar “Hyatt Recensi” otelində məskunlaşacaq və Jelinskinin mətbuat konfransı başa çatan kimi mərkəzi arenada məşqə çıxacaqlar.


Son xəbərlər