Azərbaycana qol vuran futbolçu “Qalatasaray”da

XƏBƏR 9 İyul 2010 / 13:29 2223
-  A +

Türkiyənin “Qalatasaray” klubu 2010-2011-ci il mövsümü üçün ilk əcnəbi futbolçu transferini gerçəkləşdirib. Qol.Az-ın klubun rəsmi saytına istinadən verdiyi məlumata görə, “Qalatasaray” İngiltərə premyer-liqasının “Sanderlend” komandasının kapitanı Lorik Sana ilə 4 illik müqavilə imzalayıb. Türkiyə klubu bu transfer üçün “Sanderlend”ə 4,5 milyon avro, futbolçuya isə ildə 2 milyon avro və oynayacağı hər matç üçün 7 min 500 avro ödəyəcək.

Orta xətt oyunçusu olan L. Sana 1983-cü ildə Kosovoda dünyaya gəlsə də, İsveçrədə böyüyüb. Futbola İsveçrənin “Lozanna Sports” klubunda başlayıb, sonra Fransanın “Pari Sen-Jermen” komandasına, oradan isə “Marsel”ə transfer olub. “Marsel”də kapitan seçilən L. Sana ingilislərin diqqətini cəlb edib və 2009-cu ildə “Sanderlend” tərəfindən satın alınıb. Albaniya, İsveçrə və Fransa vətəndaşı olan L.Sana Albaniya milli komandasında oynayır.

Qeyd edək ki, Sana milli komandada ilk qolunu 2005-ci ilin avqustun 17-də milli komandamıza vurub. 


Son xəbərlər