“Muğan”ın növbəti mövsümə hazırlıq planları açıqlandı

“Muğan”ın növbəti mövsümə hazırlıq planları açıqlandı
XƏBƏR 20 İyun 2010 / 10:53 1613
-  A +

Unibank Premier Liqasında yaranmış fasilədən sonra istirahətə yollanmış “Muğan”ın məşqçi və futbolçu heyyəti iyulun əvvəlində yığışacaq. Qol.Az-ın məlumatına görə, bu haqda Salyan klubunun rəsmi internet saytı xəbər yayıb. Məlumatda bildirilir ki, istirahət müddətində öz vətənində olan baş məşqçi Almir Hurtiç və legioner futbolçular da məhz həmin ərəfədə Azərbaycana gələcək. İyunda müqavilə müddəti bitmiş Narsis Yameoqo və transferə çıxarılmış Edis Kurtanoviç istisna olmaqla komandanın tam heyyətlə Bakıda toplaşacağı gözlənilir.
Klub hazırlıqların ilkin mərhələsini Azərbaycanda keçirməyi, iyulun ortalarında isə 10 günlük hazırlıq üçün Türkiyə səfərinə çıxmağı planlaşdırır. Eyni zamanda hazırlıq müddətində bir neçə yoxlama oyunu keçirməyi nəzərdə tutan “ağ-qırmızılar” iyulun sonlarında Bakıya qayıdacaqlar. Bu arada transfer pəncərəsinin açılışından etibarən axtarışlarını sürdürən “Muğan”ın düşərgəsinə müxtəlif mövqelər üzrə yerli və legioner futbolçular gələcək. Heyyətindəki futbolçularla müqaviləsini yeniləyən və 2 yeni futbolçu ilə müqavilə imzalayan Salyan təmsilçiləri heyətini daha da gücləndirməkdə israrlıdır.
Hazırlıqlar dövründə yarımmüdafiə və hücum mövqeləri üzrə 7-8 leqioner futbolçunu sınaqdan keçirəcək olan komandanın məşqlərin bir qismini Salyanda keçirəcəyi də istisna deyil.

Daha çox


Son xəbərlər
15.12.25  10:51

Zubirin yubiley oyunu