“Orduspor” azarkeşləri Ponomaryovun müdafiəsinə qalxdılar

“Orduspor” azarkeşləri Ponomaryovun müdafiəsinə qalxdılar
XƏBƏR 16 İyun 2010 / 18:02 1920
-  A +

Millimizin sabiq üzvü Anatoli Ponomaryovun şərəfini qoruduğu Türkiyənin birinci dəstə təmsilçisi "Orduspor"dan uzaqlaşdırılması qardaş ölkədə narazılıqla qarşıılanıb. Qol.Az-ın məlumatına görə, Ordu klubunun çılğın azarkeşləri həmyerlimizin komandadan uzaqlaşdırılması xəbərinə kəskin etiraz ediblər. Həmin fanatlar "Orduspor"un azarkeş saytlarından birində Anatolinin komandaya lazımlı futbolçu olduğunu bildiriblər. Maraqlı olacağını nəzərə alıb, bəzi tərəfdarların Ponomaryov haqda fikirlərini nəzərinizə çatdırırıq:
Ümit A: “Anatoli gedə bilməz. "Tərcüman" (Ahmet Akcanın vaxtilə "Qalatasaray"da tərcüməçi işləməsi ona ordulu azarkeşlər tərəfindən bu ləqəbin qoyulmasına səbəb olub) bu adamı oynada bilmədi. Bu adamdan "Orduspor"un Ronaldosu olar. Biləyinə hakim oyunçudu. Aman başkan, qətiyyən belə bir səhv etmə. “Youtube”daki videolarını seyr et başkan. Anatolini bizdən ayırma. Bu adam SƏRBƏST adam olaraq oynamalıdı. Eksperiment aparılmasından bezdik. ANATOLİ QALSIN!!!"
Night5252: “Anatoli həqiqətən yaxşı oyunçudu. Göndərilməsi səhv addımdı. Məncə, gözləniləni verə bilmədi. Amma bu adam öz mövqeyində heç oynamadı ki. Mən onun komandada qalmasının tərəfdarıyam".
Vonali: "Ahmet Akcan bu adamı səhv yerdə oynadaraq, rəsmən korladı. Adam həyatı boyu yad olduğu bir mövqedə oynayarsa, təbii ki, ondan gözləniləni verə bilməz..."
Sərcan: "Anatolini göndərən zehnin "Orduspor"da və Orduda yeri yoxdu....Allah bəlanızı versin".

Daha çox


Son xəbərlər
16.12.25  11:14

18 ildən sonra

16.12.25  11:04

Jardim istefa verdi