«Qarabağ» Türkiyədə məşqlərə başladı

XƏBƏR 12 İyun 2010 / 13:21 1764
-  A +

«Qarabağ»ın Türkiyədəki təlim-məşq toplanışı davam edir. Qol.Az-ın klubun rəsmi saytına istinadən verdiyi məlumata görə, Ankaranın Qıcılcaham bölgəsində eyni adlı oteldə hazırlıq keçən komanda ilk gün axşam yüngül hazırlıq keçib. Təlim-məşq toplanışının ikinci gününə isə «Qarabağ» iki hazırlıq keçib. Günün ilk çalışmasını komanda trenajor zalında keçirib. Fitnes çalışması saat yarım çəkib. «Qarabağ»ın yeni fiziki hazırlıq üzrə çalışdırıcısı Çudomir Çakarov da artıq iş başındadır. Günün ikinci çalışma isə yaşıl meydanda baş tutub. Daha çox qaçışla fiziki kondensiyaların bərpasına əsaslanmış hazırlıq keçirilib. Komandanın legionerləri və bütün futbolçuları hazırlıqla iştirak edir. Yeni transfer Samir Abbasov isə gələn həftənin bazar ertəsi komandanın düşərgəsinə qoşularaq məşqlərə başlayacaq.
Ötən mövsüm zədələnən Rəşad Sadiqov və Əfran İsmayılov da məşqlərə başlayıb. Hər iki futbolçu həkim nəzarəti altında çalışırlar.
Bu arada komandanın hazırlıq planına əsasən «Qarabağ» iyunun 17-i ilk yoxlama oyununu keçirməyi planlaşdırır.
 

 


Son xəbərlər
17.12.25  15:40

Levandovski MLS yolunda