“Neftçi”nin üzvü "Bari"nin diqqət mərkəzində

“Neftçi”nin üzvü "Bari"nin diqqət mərkəzində
XƏBƏR 9 İyun 2010 / 16:32 2672
-  A +

İtaliyada "Neftçi"nin 17 yaşlılardan ibarət komandasının şərəfini qoruyan Ruslan Tağızadə əcnəbi seleksiyaçıların maraq dairəsinə düşüb. Qol.Az-ın məlumatına görə, flaqmanın istedadlı yarımmüdafiəçisi 17 yaşlılardan ibarət komandanın heyətində İtaliyada keçirilən "Ciociaria World Cup-4" turnirində bəyənilib. Bununla bağlı Tağızadənin özü klubun rəsmi saytına verdiyi müsahibədə bildirib: "Kiçik dünya çempionatı adlandırılan turnir çox maraqlı alındı. Qrup mərhələsində ən çətin oyunumuz "Partizan"a qarşı oldu. Həmin matçda cərimə zərbəsindən hesabı açsam da, sona 1 dəqiqə qalmış rəqib bərabərlik qolunu vurdu. Növbəti turda "Arpino"nu 3:0 hesabı ilə məğlub etdik. "Bari" ilə görüşdə isə hakimin yerli komandaya simpatiyasına baxmayaraq, minimal hesabla qalib gəldik. Təəssüf ki, 1/4 finalda Paraqvayın "Asunsyon" komandasına uduzduq. Halbuki, bu qarşılaşmada fərqlənmək üçün xeyli şansımız var idi. Hər halda, 32 kollektiv arasında 6-cı yeri tutmağımız yaxşı nəticədir. Turniri bir sıra klubların nümayəndələri izləyirdilər. "Bari"nin menecerləri mənim oyunumu bəyəniblər.Təbii ki, mənim əsas məqsədim "Neftçi"nin əsas heyətində möhkəmlənməkdir, gələcəkdə isə karyeramı xaricdə davam etdirmək haqqında düşünə bilərəm".

Daha çox


Son xəbərlər
16.12.25  11:14

18 ildən sonra

16.12.25  11:04

Jardim istefa verdi