Lippert: “Arazla Eşqinin yoxluğu öz sözünü dedi”

Lippert: “Arazla Eşqinin yoxluğu öz sözünü dedi”
XƏBƏR 27 May 2010 / 23:05 2085
-  A +

“İlk növbədə rəqib komandanı qələbə münasibətilə təbrik edirəm. Məğlubiyyətimizə gəlincə, bunun müxtəlif səbəbləri var. Əslində, bizim üçün bu günkü oyunda nəticə elə də önəmli deyildi”. Qol.Az-ın məlumatına görə, bu sözləri Moldovanın gənclərdən ibarət yığması ilə oyunda 2:4 hesabıyla məğlub olan U-21-in baş məşqçisi Bernard Lippert deyib.
Kişinyovdakı qarşılaşmadan sonra almaniyalı mütəxəssis Qol.Az-ın Moldovaya ezam olunmuş müxbirinə açıqlamasında məğlubiyyətin səbəblərini belə izah edib: “Bizim 9 oyunçumuz əsas millinin düşərgəsindəydi. Şübhəsiz ki, Araz Abdullayev, Eşqin Quliyev kimi aparıcı oyunçularımızın yoxluğu öz sözünü dedi. Komandamın ilk hissədəki oyunundan daha çox narazı qaldım. Çünki istədiyimiz oyunu qətiyyən nümayiş etdirə bilmədilər. Əksinə kobud səhvlərə yol verərək 3 qol buraxdılar. İkinci hissədə isə daha yaxşı oynadıq. Hətta qələbə də qazana bilərdik. Ancaq təəssüf ki, ələ düşən imkanları dəyərləndirməyincə, son saniyələrdə daha bir qol buraxdıq. Hər halda əsas məqsədimiz bütün oyunçuları iş başında görmək, onları yoxlamaq idi ki, bu istəyimizə də çatdıq”.

Daha çox


Son xəbərlər
15.12.25  10:51

Zubirin yubiley oyunu