Ramin Musayev: “Premyer Liqanın formatı dəyişməyəcək”

Ramin Musayev: “Premyer Liqanın formatı dəyişməyəcək”
XƏBƏR 27 May 2010 / 20:52 2207
-  A +

Növbəti mövsümdən Unibank Premyer Liqasının formatı dəyişməyəcək. Qol.Az-ın məlumatına görə, bu barədə jurnalistlərə Peşəkar Futbol Liqasının prezidenti Ramin Musayev açıqlama verib. Onun sözlərinə görə, 19-cu milli çempionatda yenə 12 komanda mübarizə aparacaq və “altılıq” sistemi tətbiq olunacaq. Amma qızıl xallar - yəni, komandaların öz aralarındakı xallar nəzərə alınmayacaq: “Premyer Liqanın formatı dəyişməyəcək. Özünüz də gördünüz ki, son çempionatda çox gərgin və maraqlı mübarizənin şahidi olduq. Əgər çempionluq son saniyədə bəlli olursa, deməli futbolumuzda inkişaf var və bu sistemi saxlamağa dəyər”.
Bu isə o deməkdi ki, cari mövsümü son pillələrdə başa vuran “Standard”la “Karvan”ı müvafiq olaraq növbəti birincilikdə birinci divizionun qalibləri “Gəncə” ilə MOİK əvəzləyəcək. Yeri gəlmişkən, PFL prezidenti Gəncəyə böyük futbolun qayıdışından məmnun olduğunu da gizlətməyib: “Xüsusilə “Gəncə”nin Premyer Liqaya qayıtması məni çox sevindirir”.

Daha çox


Son xəbərlər
15.12.25  10:51

Zubirin yubiley oyunu