Elvin 4-cü, Vurğun 163-cü oldu

XƏBƏR 27 May 2010 / 14:18 2428
-  A +

Millimizin Moldova yığması ilə Avstriyada keçirdiyi yoxlama oyunu bəzi futbolçularımız üçün əlamətdar olub. Bu mənada daha çox Vurğun Hüseynovu fərqləndirmək lazımdı. Qol.Az-ın məlumatına görə, Zeekirhendəki matç bu futbolçunun debütü ilə əlamətdar olub. “Xəzər Lənkəran”ın yeni transferi olan gənc müdafiəçi matçın gedişində Vladimir Levini əvəzləməklə karyerasında ilk dəfə milli formasında oyuna çıxıb. Bununla da ilk rəsmi matçını 1992-ci ildə keçirən yığmanın 18 illik tarixində şərəfini qorumuş futbolçuların ümumi sayı 163-ə çatıb.
Moldova yığması ilə oyun Elvin Məmmədov üçün də əlamətdar olub. 22 yaşlı yarımmüdafiəçi bu oyunda hesabı açmaqla millidə vurduğu qolların sayını 5-ə çatdırıb. O, yığmamızın buna nail olan, yəni ən azı 5 dəfə fərqlənən 9-cu oyunçusu olub. Eyni sayda qola imza atan digər 5 futbolçu ilə müqayisədə az oyun keçirən Elvin bombardirlər siyahısında 4-cü pilləyə yüksəlib. Məmmədov çıxış etdiyi “Qarabağ” klubundakı baş məşqçisi Qurban Qurbanovun başçılıq etdiyi siyahıda Branimir Subaşiç və Zaur Tağızadədən artıq 1 qol geri qalır.

Daha çox


Son xəbərlər
15.12.25  10:51

Zubirin yubiley oyunu