Əmrah Çəlikəl: «Biz Rəşad Sadıqovun qərarını gözləyirik»

Əmrah Çəlikəl: «Biz Rəşad Sadıqovun qərarını gözləyirik»
XƏBƏR 18 May 2010 / 18:01 2238
-  A +

«Biz heyətimizdə yer alan futbolçularla yollarımızı ayırmaq istəmirik. Çalışırıq ki, onları komandada saxlayaq». Bu sözləri Qol.Az saytının müxbirilə söhbətdə «Qarabağ»ın direktoru Əmrah Çəlikəl deyib. Onun sözlərinə görə, muqaviləsi başa çatan Rəşad Sadıqov və Elnur Allahverdiyevlə klub təmsilçiləri görüşərək, komandada saxlamağa çalışacaq: «Biz hər iki futbolçunun komandamızda qalmasını istəyirik. Artıq Rəşadın müqaviləsi başa çatıb. Biz onunla görüşmüşük. Hazırda Rəşadın qərarını gözləyirik. O, buradakı vəziyyəti yaxşı bilir. Əgər qalmaq istəsə, bunun üçün heç bir problem olmayacaq. Çünki biz onun komandamızda qalmasına tərəfdarıq. Elnur Allahverdiyevə gəlincə, isə hər şey onun özündən asılıdır. Gələn həftə Elnurla görüşəcəyik, əgər qalmaq istəsə, komandada saxlanılacaq. Ümumiyyətlə, heç bir futbolçunu göndərmək istəmirik. Məqsədimiz heyətimizin saxlanılmasıdır».


Son xəbərlər