Milli çempionatda bir oyunda 4 qırmızı vərəqə

XƏBƏR 18 May 2010 / 13:51 1834
-  A +

Bu gün AFFA İntizam Komitəsinin növbəti iclası keçirilmişdir. Qol.Az-ın Peşəkar Futbol Liqasının rəsmi internet saytına istinadən məlumatına görə, gündəlikdə duran məsələlər dinləndikdən sonra Unibank Premyer Liqasında çıxış edən klubların əvəzedici heyətlərinin və birinci divizion komandaları arasındakı çempionatın sonuncu turunda qeydə alınan qanun pozuntularına da hüquqi qiymət verilib.
Əvəzedicilər arasındakı çempionatın 32-ci turunun "Qəbələ" -  "Neftçi" matçında "Neftçi"nin 4 futbolçusu sarı vərəqə ilə cəzalandığı üçün klub 500 manat cərimə olunub. "Xəzər Lənkəran" -  "Karvan" matçının 66-cı dəqiqəsində "Xəzər Lənkəran"ın futbolçusu Sadiq Ramazanov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur.
Birinci divizionda isə 22-ci turun "Şahdağ" - "Gəncə" matçının 90+3-cü dəqiqəsində "Sahdağ"ın futbolçusu Şıxqayıb Şıxqayıbov və Zahid Tayıbov, eləcə də "Gəncə"nin futbolçusu Vəli Qafarov, Azər Məmmədov  rəqibini vurduğuna görə birbaşa qırmızı vərəqə alaraq meydandan kənarlaşdırıldığı üçün futbolçular 2 oyunluq cəzalanıb,  hər bir klub 400 manat cərimə olunub.
"Rəvan" - MOİK matçınıda "Rəvan"ın 7, MOİK-in 4 futbolçusu sarı vərəqə ilə cəzalandığı üçün hər bir klub 100 manat cərimə olunub.


Son xəbərlər