“Muğan”ın məğlubiyyətinə havanın istiliyi səbəb olub

“Muğan”ın məğlubiyyətinə havanın istiliyi səbəb olub
XƏBƏR 16 May 2010 / 20:37 2041
-  A +

“İki qol vurduq, amma bir çox qol epizodlarından da istifadə edə bilmədik”. Qol.Az-ın məlumatına görə, bu sözləri "Olimpik-Şüvəlan" klubunun baş məşqçisi Nazim Süleymanov deyib.
Unibank Premyer Liqasının bu gün keçirilən 32-ci turunun “Muğan”la oyunundan sonra təçkil olunan mətbuat konfransında “təyyarəçilər”in çalışdırıcısı artıq gələn mövsüm haqda düşündüklərini bildirib: "Son oyunda qalib gəlib mövsümü yaxşı əhval-ruhiyyədə başa vurmaq istəyirdik. Qələbə qazandıqları üçün futbolçularımı təbrik edirəm. Gələn mövsümə daha yaxşı hazırlaşacağıq".
"Muğan" klubunun baş məşqçisi Almir Hurtiç isə komandasını məğlubiyyətini havanın isti olması ilə əlaqələndirib: "Rəqib komandanı qələbə münasibəti ilə təbrik edirəm. Mövsümün son matçı idi, istədiyimiz oyunu göstərə bilmədik. Havanın çox isti olması da komandanın oyununa təsir etdi. Bizim əsas məqsədimiz Premyer Liqadakı yerimizi qorumaq idi. Bu vəzifənin öhdəsindən gəldiyimiz üçün sevinirəm".


Son xəbərlər