“Qarabağ” artıq “Neftçi” ilə oyunu fikirləşir

XƏBƏR 9 May 2010 / 19:54 1958
-  A +

“Bilirdik ki, çətin oyun olacaq. Çünki hər iki komandaya mütləq 3 xal qazanmaq lazım idi. Buna görə də çox ciddi hazırlaşmışdıq”. Qol.Az-ın məlumatına görə bu sözləri “Qarabağ”ın baş məşqçisi Qurban Qurbanov deyib.
Bu gün Unibank Premyer Liqasının növbəti turu çərçivəsində Quzanlıda qəbul etdikləri “Xəzər Lənkəran” üzərində qazandıqları qələbədən sonra keçirilən mətbuat konfransında ağdamlıların çalışdırıcısı daha sonra bunları dilə gətirib: “İlk yarıda iki qol vurandan sonra ikinci hissədə müdafiəyə daha çox diqqət yetirməyi qərara aldıq. Məncə, bu heç də pis alınmadı. Düzdü, bir qol buraxsaq da, sonda qələbə qazana bildik. Artıq bu oyunu unutmalı və “Neftçi” ilə duel haqda fikirləşməliyik. Çalışacağıq ki, həmin görüşdə də uğur qazanaq. Çünki bu bizə çox lazımdı. “Xəzər Lənkəran”a kubokun finalında və son oyunda uğurlar arzulayıram”.


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib