“Qarabağ”: Bu gün Yevlaxa, sabah Quzanlıya

XƏBƏR 7 May 2010 / 17:54 1978
-  A +

“Qarabağ” Unibank Premyer Liqasının 31-ci turu çərçivəsində bazaar günü qarşılaşacağı “Xəzər Lənkəran”la oyunun Bakıdakı hazırlıqlarını yekunlaşdırıb. Qol.Az-ın klubun rəsmi internet saytına istinadən məlumatına görə, ağdamlılar bu gün paytaxtda sın məşqini edib. Günün ikinci yarısında - saat 16:00-da isə komanda Yevlaxa yola düşüb. Qurban Qurbanovun komandası bu gün Yevlaxda qalıb, Ağdama sabah yollanacaq. Buna səbəb isə sabah Quzanlı stadionunda baş tutacaq tədbirdi. “Qarabağ”ın üzvləri məhz həmin tədbirdən sonra üz tutacaqları Quzanlı qəsəbə stadionunda matç öncəsi sonuncu məşqini həyata keçirəcək.
Qeyd edək ki, Ağdam təmsilçisi cari mövsümdə sonuncu ev oyununda “Xəzər Lənkəran”la mayın 9-da qarşılaşacaq. Oyun 17:15-də start götürəcək. Komanda doğma rayona məlum itkilərlə yollanıb. Rəşad Sadiqov, Əfran İsmayılov, Tural İsgəndərov, Nodar Məmmədov zədə ucbatından mövsümü bitiriblər və “Qarabağ”a kömək edə bilməyəcəklər. Bundan əlavə Aslan Kərimovun da cənublulara qarşı forma geyməsi sual altındadı.  


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib