"Neftçi"nin futbolçusu: "Qəbələ"ni məğlub edəcəyik"

XƏBƏR 5 May 2010 / 15:36 1718
-  A +

Zədəsini sağaldan "Neftçi"nin futbolçusu Tural Nərimanov məşqlərə başlayıb. Qol.Az-ın xəbərinə görə, 21 yaşlı müdafiəçi klubun rəsmi saytına açıqlamasında hazırkı durumu barədə məlumat verib: "Bir aya yaxın zədəli oldum. Artıq sağalıb, məşqlərə qoşulmuşam. Əsas heyətdə yer almaq üçün məşqlərdə özümü doğrultmağa çalışıram. Çempionatın sonuna iki tur qalıb. Qarşıdakı matçlardan heç olmasa, birində oynamaq istəyirəm. "Neftçi"nin şərəfini qorumaq mənim üçün böyük şərəfdir".

Tural Nərimanovun sözlərinə görə, flaqman mayın 9-da Unibank Premyer Liqasının 31-ci turunda səfərdə "Qəbələ" ni məğlub etmək gücündədir: "Komandamızda hər şey qaydasındadır. Məqsədimiz avroliqaya vəsiqə qazanmaqdır. Düzdür, növbəti rəqibimiz "Qəbələ" yaxşı oynayır. Onlar öz meydanımızda bizdən xal alıblarsa, niyə biz Qəbələdə qələbə qazanmamalıyıq? Konkret hesabla bağlı proqnoz verməyə çətinlik çəkirəm. Bununla belə, inanıram ki, 3 xal bizim olacaq".
 


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib