18:57
Almaniya milli komandasının 2 futbolçusu iyunun 11-də Cənubi Afrika Respublikasında (CAR) start götürəcək dünya çempionatında iştirak etməyəcək.
Lent.az-ın məlumatına görə, Bundestimin əsas qapıçısı Rene Adler qabırğası sındığı, yarımmüdafiəçi Simon Rolfes isə dizindən xəsarət aldığı üçün mundiala qatılmayacaq.
Hər iki oyunçu “Bayer”də çıxış edir. Adler qabırğasını apreldə sındırsa da, əməliyyat olunmasının gərəkliyi indi müəyyənləşib. Bu səbəbdən, 26 yaşlı qolkiperin qarşıdakı bir ay müddətində yaşıl meydanlara qayıdışı mümkün olmayacaq. Yığmanın baş məşqçisi Yoahim Löv bu xəbərdən xeyli məyus olub. Adler Bundestimin heyətində ilk oyununa 11 oktyabr 2008-ci ildə Rusiya ilə 2010-cu il dünya çempionatının seçmə qrup matçında debüt edib. Tezliklə o, millinin əsas qapıçısına çevrilib. Robert Enkenin 2009-cu ilin noyabrında intihar etməsindən sonra Adler dünya çempionatında da əsas qapıçı olmağa əsas namizəd sayılırdı. İndi onu çox güman ki, “Şalke 04”ün qolkiperi Mayer Noyer əvəzləyəcək.
Rolfes isə yanvarda dizindən əməliyyat olunub. Onun dünya çempionatınadək bərpasının qeyri-mümkünlüyü isə bu günlərdə müəyyənləşib. Seçmə mərhələdə 6 qarşılaşmada çıxış etmiş 28 yaşlı yarımmüdafiəçi 2008-ci il Avropa çempionatında da forma geyinib. O, 28 matçda 1 qol vurub.
Qeyd edək ki, dünya çempionatında Almaniya millisinin rəqibləri Serbiya, Qana və Avstraliya olacaq. Yoahim Löv mundial üçün ilkin heyəti mayın 6-da açıqlayacaq.
Mənbə: lent.az
"Şəfa"dan 12-ci transfer
"Fənərbaxça"dan qələbə
Lemina daha 2 il "Qaralatasaray"da
"Razıyam, bəxtimiz gətirdi" - "KuPS"un baş məşqçisi
“Sabah” "KuPS"a qalib gəldi
SSKA "Qarabağ"la Bakıdakı oyunda azarkeşsiz qalacaq
Erməni güləşçilər Bakıya gələcək
"Neftçi"nin səviyyəsi yüksəkdir" - "Dinamo"nun baş məşqçisi
Tanınmış hakim karyerasını bitirdi
"Sabah" - "KuPS": Heyətlər
Azərbaycan millisinin oyunlarının təqvimi açıqlandı
"Bavariya" onunla müqaviləni uzatdı
"Yuventus"un yeni formaları - Şəkillər
"Zirə" "Göztepe"nin sabiq futbolçusunu aldı
AFFA-nın stadionunun yeni ot örtüyü - Şəkillər
Emin Mahmudov: "90 illiyimizə görə böyük motivasiyamız var"
"İmişli"də latviyalı mütəxəssis
"Şəfa" yeni transferini açıqladı
