23:00
Bu gün Rusiyanın paytaxtı Moskva şəhərində FİFA-nın prezidenti Yozef Blatterlə AFFA prezidenti Rövnəq Abdullayev arasında görüş keçirilib. Qol.Az-ın məlumatına görə, AFFA-nın vitse-prezidenti Elşad Nəsirovla baş katib Elxan Məmmədovun iştirak etdiyi görüşdə 2008-ci il ərzində Azərbaycan futbolunda baş verən yeniliklər, həyata keçirilən layihələr barədə FİFA prezidentinə məlumat verilib. Beynəlxalq futbol qurumunun rəhbərliyinə bildirilib ki, AFFA tərəfindən ötən il ölkəmizdə çimərlik futbolu üçün müasir standartlara cavab verən stadion, respublikanın müxtəlif bölgələrində süni örtüklü meydançalar, həmçinin Bakıda futbol akademiyası inşa olunaraq istifadəyə verilib. Bundan əlavə, «Futbol oynayaq, sağlamlığı qoruyaq» layihəsi çərçivəsində bir sıra işlər görülüb. Azərbaycanda ilk dəfə olaraq inşa edilmiş futbol akademiyası barədə ətraflı məlumatı özündə əks etdirən kataloq FİFA prezidentinə təqdim olunub və məlumat verilib ki, futbol akademiyasının işinin yüksək səviyyədə qurulması üçün AFFA rəhbərliyi Avropanın bir sıra qabaqcıl ölkələrinin analoji tədris müəssisələrində olaraq təcrübə mübadiləsi aparıblar. Yozef Blatter AFFA tərəfindən görülən işləri təqdir edərək bildirib ki, futbolun inkişafı naminə həyata keçirilən tədbirlər zamanı bütün digər milli assosiasiyalara olduğu kimi, Azərbaycan Futbol Federasiyaları Assosiasiyasına da FİFA tərəfindən hərtərəfli yardım göstəriləcək və dəstək veriləcək.
40 il sonra ilk dəfə...
"Lerik"in qalib gəldiyi oyunda baxımlı qollar - Video
Ronaldo prezidentliyə namizədlikdən imtina etdi
“Azərbaycan xalqının futbola olan sevgisini göstəririk”
2-ci Liqa matçında vurulan 6 qol - Video
Kyellinin vəzifəsi yüksəldilir
Orxan Məmmədovdan yeni açıqlamalar
Nani Bakıdadır
Püşkü Qurban Qurbanov çəkdi- Şəkillər
"Mingəçevir" afrikalı futbolçunu transfer etdi - Rəsmi
