"Xəzər Lənkəran” cavab oyununa doğma meydanda hazırlaşır

XƏBƏR 3 May 2010 / 15:32 2040
-  A +

Birisigün ölkə kubokunun yarımfinalında “Olimpik-Şüvəlan”la görüşməli olan “Xəzər Lənkəran” oyuna Lənkəranda hazırlaşacaq. Qol.Az-ın məlumatına görə, “Neftçi”ylə ölkə çempionatının 30-cu turunda keçirilmiş oyunun (0:0) ertəsi istirahət edən cənublu futbolçular yenidən bir araya gəliblər. Komandanı bugün və sabah axşam saatlarında iki məşq gözləyir. Məşqçilər korpusunun əsas məqsədi son doqquz gündə üçüncü dəfə meydana çıxmaq məcburiyyətində qalmış futbolçuların yorğun olmamasını təmin etməkdən ibarətdi. Bakıda “təyyarəçilər”ə qarşı keçirilmiş ilk oyunda (1:1) olduğu kimi, əsas heyətin bir neçə üzvünün ehtiyatda qalması da istisna edilmir. Nəzərə alınmalıdı ki, “Olimpik-Şüvəlan” matçından cəmi 4 gün sonra “ağ-yaşıllar” ı Ağdamda – “Qarabağ”a qarşı ağır çempionat oyunu gözləyir.
Yeri gəlmişkən, “Neftçi”ylə oyunda baldır əzələsini dartan Elvin Beçirinin vəziyyəti yaxşıdı. Zədəsi elə də ciddi olmayan albaniyalı müdafiəçi qarşıdakı oyunlarda iştirak edə biləcək. Ayağında ağrılar olan Devran Ayhanın da zədəsi çox ciddi deyil.


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib