«Dordoy-Dinamo» - «İnter» - 0:0

Bu gün Bakı vaxı ilə saat 14.00-da Azərbaycan çempionu «İnter» «Birlik kuboku» turnirində ilk oyununu keçirib. Komandamızın ilk rəqibi Qırğızıstanın «Dordoy-Dinamo» klubu olub. Qol.Az bu oyundan online-reportaj verib.

«DORDOY-DİNAMO" - «İNTER» - 0:0

"İNTER"in heyəti: 1. Raymundo Vilson, 4. Daniolli Assioli, 5. Milan Zaqorats, 6. Əliyar İsmayılov (K), 13. Bronislav Çervenka, 18. Qoran Arnaut, 21. İon Testimitianu, 17. Elvin Məmmədov, 14. Petar Zlatinov, 24. Andrey Rubins, 28. Andaveris Auqusto.

Baş məşqçi: Valentin Xodukin

Oyun başladı. Hakimlər: Daunauskas (Litva), Barışnikov, Manaxov (Rusiya).

İlk dəqiqələrdən qırğızlar fəal görünürlər.

6-cı dəq: Komandamız təşəbbüsü ələ alib. 

10-cu dəq: "İnter" üstünlüyü tam ələ alıb. Az əvvəl Auqosto hesabı açmağa yaxın idi, onun başla zərbəsindən sonra top qapının üstündən keçdi.

Komandamıza dəstək çox deyil: oyunun gedişini təqribən 150 azarkeş izləyir. 

17-ci dəq: Elvin Məmmədov sağ cinahdan cərimə meydançasına gözəl ötürmə verir, Auqusto özünü topa çatdıra bilmir.
Bu dəqiqələrdə üstünlük «İnter»də olsa da, oyunun tempi bir qədər aşağı düşüb. 

22-ci dəq: Çox sönük oyun gedir. Komandaların qarşılıqlı hucumları nəticəsizdir.

26-cı dəq: Komandamız qol vurmağa yaxın olur: cərimə meydançasından vurulan zərbəni qapıçı qaytarır, Auqusto təkrar zərbə vurur, top qapıdan azca aralı keçir.

Oyunu izləyənlər arasında Azərbaycanın baş nazirinin keçmiş birinci müavini Abbas Abbasov və AFFA-nın rəhbərliyi də var.

32-ci dəq: Son dörd dəqiqə ərzində oyunda temp artıb. «İnter»li Auqusto təkbətək mübarizədən istifadə edə bilmir, iki dəqiqə sonra Zlatinovun uzaq məsafədən vurduğu zərbə yaddaqalan olur, bundan bir dəqiqə sonra Auqusto yenə əlverişli imkandan istifadə edə bilmir. Rəqibin uzaq məsafədən vurduğu zərbədən sonra top qapıdan azca aralı keçir.

40-cı dəq: Beş dəqiqə əvvəldən fərqli olaraq, oyunda temp aşağı düşüb. 

Birinci hissə başa çatdı
 

İkinci hissə başladı

46-cı dəq: rəqibin heyətində dəyişiklik olur: Mirlan Murzayevin əvəzinə meydana Vilyam Guyan daxil olur.

50-ci dəq: İkinci hissəyə başlayan kimi «İnter» hucüma atılır. Elvin Məmmədovun zərbəsindən sonra rəqib qapıçı topu tuta bilir.
 

54-cü dəq: «İnter» yüzfaizli qol şansını əldə verir. Zlatinov təkbətək mübarizədən məğlub ayrılır.
 

60-cı dəq: Elvin Məmmədovun başla zərbəsi qapının üstündən keçir. Zlatinov yenə əlverişli imkandan istifadə edə bilmir. Oyunu tempi yüksəlib, «İnter»in hucümlarının ardı-arası kəsilmir. Rəqib müdafiəyə oturub və əks-hücumlara üstünlük verir.

63-cü dəq: Rəqib növbəti dəyişikliyi edir: İqor Kurdyankanın əvəzinə meydana İqor Şamsaliyev daxil olurö

65-ci dəq: «İnter» dəyişiklik edir: Çervankanın yerinə oyuna Oleq Şişkin daxil olur.

70-ci dəq: Oyunun tempi aşağı düşüb.

77-ci dəqiqə: Zlatinovun yerinə meydana Quqlemon daxil olur.

81-ci dəq: Elvin Məmmədov sağ cinahda çox fəaldır, amma nə etmək olar, «İnter» yaranmış vəziyyətdən istifadə edə bilmir.

Oyunun son dəqiqələri gedir. Az əvvəl meydana yenicə daxil olan Quqlemonun zərbəsi dəqiq olmur. Elvin Məmmədov yenə fəallığı ilə seçilir. Komandamız hucüm edir… 

Hesabdakı nəticə qırğızları qane edir. Rəqibin baş məşqçisi oyundan əvvəl bu oyuna uduzmamaq üçün çıxacaqlarını demişdi.

90-cı dəq: Quqlemon müdafiənin səhvindən istifadə edə bilmir. Rəqib vaxt uzadır.

Oyun başa çatdı 

*** 

Qol.Az-ın əməkdaşının verdiyi məlumata görə, oyuna maraq elə də yüksək deyil. Hazırda tribunada cəmi 100-150 azarkeş var.
**

"Bugünkü oyundan ancaq qələbə gözləyirik. Turnirdə ən yaxşı yerlər uğrunda oynayacağıq». Bu sözləri hazırda Moskva şəhərində olan Qol.Az-ın əməkdaşına «İnter» klubunun futbolçusu Cavid Hüseynov deyib. O, turnirlə bağlı bildirib ki, başqalarından fərqli olaraq, bu yarışa ciddi yanaşmır.
***
«Biz ən azı finala kimi getməliyik». Bu sözləri hazırda Moskva şəhərində olan Qol.Az-ın əməkdaşına «İnter» klubunun hucumçusu Xaqani Məmmədov söyləyib. O, «Dordoy-Dinamo»ya qarşı az sonra başlayacaq matçdan ancaq qələbə gözlədiklərini söyləyib.