«Xəzər-Lənkəran»: «Hazırda nəticə bizim üçün böyük əhəmiyyət daşımır»

XƏBƏR 17 Yanvar 2009 / 13:05 2926
-  A +

“Salyut-Energiya” (1:2) ilə oyun güclü yağış altında baş tutdu və əsasən “Xəzər Lənkəran”ın üstünlüyü şəraitində keçdi». Qol.Az-ın məlumatına görə, bu sözləri dünən keçirdikləri yoxlama oyunundan sonra «Xəzər-Lənkəran»ın rəisi Səməd Mustafayev söyləyib. Onun sözlərinə görə, xüsusilə ikinci yarıda İvan Svetkov meydana daxil olduqdan sonra futbolçular ön xətdə daha fəal olublar: «Lakin bu epizodlarda rəqib torunu silkələmək bizə müəssər olmadı. Amma sözsüz ki, hazırda nəticə bizim üçün böyük əhəmiyyət daşımır. İqor Ponomaryov ikinci dövrədə komandamızın əsas oyun modelini qurmağa və əsas heyəti müəyyənləşdirməyə çalışır”.
S.Mustafeyvin verdiyi məlumata görə, “Xəzər Lənkəran” növbəti sparrinqi yanvarın 18-də “Atırau”ya qarşı keçirə bilər. Qazaxlar matçın keçirilməsində maraqlı olsalar da, Ponomaryov hələlik qəti söz deməyib və ola bilsin ki, məşqçinin planlarıyla əlaqədar növbəti yoxlama oyununun keçirilməsi bir neçə gün ertələnsin. 


Son xəbərlər
12.03.25  19:39

Nani Bakıdadır