Ötən bazar günü Bakı Futbol Federasiyasının “Sabahın ulduzları” adı altında keçirdiyi çempionatın oyunları ilə maraqlanmaq üçün ”Şəfa” stadionuna yollandıq. Kiçik yaşlı uşaqların bacarıqlarını izlədikdə həqiqətən də, futbolumuzun gələcəyinə umidlər bir qədər artır. Sabahın ulduzları arasında daha çox diqqətimizi cəlb edən oyunçulardan biri «Ulduz» komandasında forma geyən 10 yaşlı Səid Vəfadar oğlu Əliyev oldu. Onun oyununu izlədikdə, balaca istedaddan zövq almamaq olmur. Tipik total futbol oynayan bu bacarıqlı qəhrəmanın timsalında digər istedadların ortaya çıxarılması istiqamətində atılan addımlara görə təbii ki, Bakı Futbol Federasiyasının xidmətini qeyd etmək lazımdır.
S.Əliyev kiçik yaşda olmasına baxmayaraq, həddindən artıq istedadı, zəkası ilə də seçilir. Qeyd edək ki, Səid göstərdiyi gözəl oyunun nəticəsi olaraq ötən «Turun ulduzu» adına layiq görülərək, kubok və hədiyyələrlə təltif edilib. O keçirdiyi son 4 oyunda rəqib qapılardan nə az, nə çox 9 qol keçirib. Sağ ayaqla yanaşı, həm də sol ayaqla sərrast oynadığına və digər bacarıqlarına diqqət yetirdikdə bu balaca ulduzun gələcəkdə Azərbaycan futboluna çox böyük töhfələr verəcəyi şəksizdir. Səidin əsas məşqçisi olan Namiq Həsənovun kiçikyaşlı istedadla bağlı fikirlərini öyrəndik. N.Həsənov bizimlə söhbətdə Səidin gələcəkdə böyük bir futbolçu olacağına inandığını dedi: “Səid 2000-ci il təvəllüdlüdür. Amma bacarığı sayəsində özündən bir yaş böyük uşaqlarla bir komandada oynayır. Artıq bir ilə yaxındır ki, o, futbolla məşğul olur. Lakin bu qısa zamana baxmayaraq, Səid özünü çox yaxşı tərəfdən göstərə bilib. Hesab edirəm ki, sabahın ulduzlarından biri də məhz elə Səiddir. O, tipik ingilis futbolu oynayır. Çox güclü istedadı var. Gələcəkdə onun böyük bir futbolçu olacağına inanıram. Həm texnikası, həm bacarığı, həmi də sürəti var. O, həmçinin sağ ayağı ilə yanaşı, sol ayağı ilə də çox güclü və dəqiq zərbələrə malikdir. Yaxın gələcəkdə güclü klublarda oynayacağına şübhə etmirəm. Öz yaşıdları arasında demək olar ki, ən səviyyəli futbolçudur. Səid bu mövsüm ümumilikdə 15 qol vurub. Son 4 oyunda isə rəqib qapılarından 9 qol keçirib”.
N.Həsənov bir sıra aparıcı klubların Səidlə maraqlandığını da qeyd etdi. Onun sözlərinə görə, bütün təklifləri dəyərləndirdikdən sonra Səidin oynaması üçün klub seçiləcək: «Bakı», «Neftçi», «Qarabağ», «İnter» və digər klublar Səidlə ciddi maraqlanır. Yəqin ki, növbəti illərdə onu bu komandalardan birinin aşağı yaş qruplarında izləyə biləcəyik».
S.Əliyev özü isə bizimlə söhbətdə məşqçilərinin ona verdiyi bütün tapşırıqları yerinə yetirməyə çalışdığını söylədi. O, gələcəkdə böyük futbolçu olmaq, eləcə də Azərbaycan futboluna öz töhfəsini vermək üçün var qüvvəsilə çalışdığını bildirdi.
"Qarabağ"ın "Turan Tovuz"u məğlub etdiyi oyun - Video
"Qarabağ" 7 qollu oyunda "Turan Tovuz"a qalib gəldi
UEFA-dan Şahruddinin oynadığı kluba avrokubok cəzası - Rəsmi
"Yuventus" Alleqrini istefaya göndərdi
"Qarabağ" - "Turan Tovuz": Heyətlər
Tuhel qərarını dəyişmədi
"Marsel"in baş məşqçisi karyerasını başa vurur
Azərbaycan cüdoçuları Avropa Kubokunda iştirak edəcəklər
1-ci liqada son turun oyunları eyni gündə, eyni saatda
"Yuventus"dan Mottaya 3 illik müqavilə təklifi
İki futbolçu "Liverpul"dan ayrılır - Rəsmi
FİFA VAR-la bağlı yeni qaydalar tətbiq edir
“Qarabağ” - "Turan Tovuz" oyununda qadın hakimlər
"Onlara daim deyirəm ki, yaraşıqlı, gözəl görünmək istəyirsinizsə, idmanla məşğul olun"
1-ci liqada çempionun mükafatlandırma vaxtı müəyyənləşdi
Robin van Persi baş məşqçi təyin edildi
Fatih Terim istefa verdi
Yasin Benzia "Qarabağ"dan ayrılırmı?
"İmişli"nin legioneri 5 oyunluq cəzalandırıldı
AFFA rəhbərliyi FİFA-nın Konqresində
“Misli.az ilə Avropaya” – İlk tirajın nəticələri
PFL 35-ci turun hakimlərini açıqladı
Azərbaycan futzal millisinin səbəti müəyyənləşdi
"Qarabağ"la yeni müqaviləni müzakirə edirik" - Andrey Lunyov
Azərbaycanın 2 boksçusu finala vəsiqə qazandı
Fransa millisinin Avro-2024 üçün heyəti açıqlandı
Rövşən Nəcəf UEFA prezidenti ilə görüşdü
"Barselona" səfərdə qalib gəldi