Cüneyt Biçər: «Mən «Neftçi»yə sözümü oyundan sonra deyəcəyəm»

Cüneyt Biçər: «Mən «Neftçi»yə sözümü oyundan sonra deyəcəyəm»
XƏBƏR 22 Aprel 2010 / 20:05 2327
-  A +

«Bakı» sabah «Neftçi» klubu ilə keçiriləcək görüşə tam hazırdır". Bu sözləri Qol.Az-ın müxbiri ilə söhbətində «Bakı»nın türkiyəli baş məşqçisi Cüneyt Biçər deyib. «Artıq məşq prosesini başa vurmuşuq və matçın başlama vaxtını gözləyirik. Komandada hər hansı bir çatışmazlıq, problem yoxdur». O, komandasının «Neftçi» ilə oyundan qələbə ilə ayrılacağına inandığını bildirib. 
C.Biçərin «Neftçi»nin baş məşçisi Arif Əsədovun, eləcə də bəzi futbolçularının «Bakı»dan güclü olmaları və qələbə qazanacaqlarını iddia etmələri barədə suala cavabı belə olub: «Neftçi»nin oyunçularının, baş məqçisinin belə bir iddia ilə çıxış etməsini təbii qarşılayıram. Çünki onlar ötən turda «İnter» kimi güclü rəqibi məğlub etməyi bacarıblar. Məhz buna görə də belə açıqlama verirlər. Mən daha öncədən də ilk «altılıq»da qərarlaşan komandaların heç birinin zəif olmadığını bildirmişdim. «Neftçi» də güclü komandadır. Amma biz də zəif deyilik. Biz də ötən turlarda iddialı rəqiblərimizdən üstün olduq. Sabahkı matçı da qazanacağımıza inanıram. Bəziləri kimi, matçdan öncə hər hansısa iddia ilə çıxış etmək istəmirəm. Hesab edirəm ki, komandamıza aşağı baxmaq lazım deyil. Biz öz gücümüzü meydanda göstərəcəyik. Mən «Neftçi»yə əsas sözümü oyundan sonra deyəcəyəm»


 

Daha çox


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib