21:12
"Neftçi"nin 17 yaşadək futbolçulardan ibarət komandası 25-31 may aralığında İtaliyada keçiriləcək "Ciorciaria World Cup-4" turnirinə hazırlığını davam etdirir. Qol.Az-ın klubun rəsmi saytına istinadən verdiyi xəbər görə, "Neftçi"nin Mətbuat və İctimaiyyətlə Əlaqələr Departamentinin rəisi Elnur Əşrəfoğlu qarşıdakı yarış barədə geniş məlumat verib: "Bu turnirə maraq çox böyükdür. Yarış yeniyetmə futbolçular arasında "kiçik dünya çempionatı" adlandırılır. Ötən turnirlərin gedişini tanınmış mütəxəssislər Frans Bekkenbauer, Marsello Lippi, Ektor Kuper və digər məşhurlar izləyiblər. Yarışın böyük diqqət mərkəzində olması heç də təsadüfi deyil. Çünki həmin turnirdə böyük futbola qədəm qoymağa hazırlaşan gənc oyunçular mübarizə aparırlar".
Elnur Əşrəfoğlu flaqmanın İtaliyaya dəvət almasının qürurverici hal olduğunu bildirib: "Neftçi" komandası ilk dəfə bu nüfuzlu yarışda çıxış edəcək. Sevindirici haldır ki, təşkilatçılar MDB və Baltikyanı ölkələrdən yalnız "Neftçi"yə və Moldovanın "Zimbru klubuna dəvət göndəriblər. Budəfəki turniri izləyənlər arasında dünyanın ən güclü məşqçilərindən biri Joze Maurinyo və ulduz futbolçu Franşesko Tottinin də olacağı gözlənilir. "Neftçi"nin nümayəndə heyətinə klubumuzun icraçı-direktoru Mübariz Xudiyev və mən rəhbərlik edəcəyik. Yeniyetmə futbolçularımız özlərini sübut etmək əzmindədirlər. Çalışacağıq ki, rəhbərliyin bizə göstərdiyi etimadını doğruldaq".
Qeyd edək ki, beynəlxalq turnirdə İngiltərənin "Mançester Yunayted", "Arsenal", "Kristal Pelas", İtaliyanın "Roma", "Milan", "Yuventus", "Fiorentina", "Kyevo", "Bari", "Napoli", "Kalyari", Fransanın "Bastiya", Xorvatiyanın "Hayduk", Portuqaliyanın "Benfika", ABŞ-ın "Nyu-York Stars" kimi məşhur komandaları da iştirak edəcəklər. "Neftçi" "D" qrupunda İtaliyanın "Bari" və "Arpino", Serbiyanın "Partizan" klubları ilə oynayacaq.
Osimhen əməliyyat olundu
Tudoru o əvəzləyə bilər
Qrizmann bu kluba keçir
Flikin "Barselona"sı Valverdenin rekorduna yaxınlaşır
Dörd gün ərzində iki qırmızı vərəqə aldı
"Real" futbolçularının milliyə çağırılmasına etiraz etdi
"Titullar meydanda qazanılır"
"Kristal Pelas"da Şon Dayç dövrü başlaya bilər
"Son oyunundan məmnun qalmadım, rotasiya etdik"
"Tottenhem"dən ağır məğlubiyyət
Səfər qadağası "Ayaks" azarkeşlərini dayandırmadı - Video
Nəriman ilk oyunundan paylaşım etdi - Şəkillər
Sonuncu pillədə yer alan klubda yeni baş məşqçi təyinatı
"Barselona" liderliyini möhkəmləndirdi
"Mançester Siti" final matçına itki ilə çıxacaq
Azərbaycan millisinin yekun heyəti açıqlandı
İrqçi təhqirlərə görə Premyer Liqa matçı dayandırıldı
