TFF «Fənərbaxça» «Beşiktaş» matçı ilə bağlı qərar verdi

XƏBƏR 20 Aprel 2010 / 12:46 2296
-  A +

Ötən həftənin sonunda Türkiyə Superliqasında bir sıra olaylarla yadda qalan «Fənərbaxça» «Beşiktaş» matçı ilə bağlı Türkiyə Futbol Federasiyasının (TFF) qərarı açıqlanıb. Qol.Az-ın Türkiyə mətbuatına istinadən verdiyi məlumata görə, sözügedən oyunun hakimi FİFA referisi olan Hüseyn Göçek TFF-nin sərt təpkisinə məruz qalıb. Federasiya başqanı Mahmud Özgenərin və digər rəsmilərin bu matçın idarə olunmasını bəyənmədikləri, həmçinin bununla bağlı həddindən artıq üzgün olduqları bildirilir. TFF rəsmiləri arasında keçirilən toplantıda federasiya üzvlərinin matçın idarə olunması ilə bağlı mətbuatda yer alan məlumatlara haqq verdikləri qeyd edilib. Bununla yanaşı, Türkiyə mətbuat orqanlarından birinə danışan federasiya rəsmisi matçın təkrar keçirilməyəcəyini vurğulayıb. O, TFF-nin artıq bu hakimə arxa çevirdiyini deyib: «Biz federasiya olaraq derbidəki matç yönətimindən çox narazıyıq. Hüseyn Göçeke belə bir matçın idarəsini tapşırdıq, amma o, bizi çox üzdü. Onun FİFA referisi olması bizi daha da düşündürür. Fikrimizcə, onun derbidə verdiyi üç qırmızı kartın hamısı xətalı idi».

Digər bir tərəfdən «Fənərbaxça»lı oyunçu Blikanın cəzalandırılacağı, habelə matçın təkrar keçirilməyəcəyi qərara alınıb.


Son xəbərlər