Lippert: «…Ümumi nəticədən razı qala bilərik»

XƏBƏR 16 Aprel 2010 / 22:00 1849
-  A +

19 yaşadək futbolçulardan ibarət komandalar arasında Avropa çempionatının elit-raundu çərçivəsində bu gün keçirilmiş Norveç – Azərbaycan oyunundan sonra yığmamızın baş məşqçisi Benhard Lippert fikirlərini bildirib: «Türkiyə yığması ilə oyunla müqayisədə bu qarşılaşmaya daha yaxşı başladıq. Təəssüf ki, rəqibi az təzyiq altında saxladıq. Bu, heç də təəccüblü deyil. Çünki hələ İspaniya yığması ilə oyunda Norveç komandasının çox güclü müdafiə xəttinə malik olduğunu görmüşdük. Digər tərəfdən, futbolçularımızın arasındakı anlaşılmazlıq qapımıza qol vurulması ilə nəticələndi. Əslində, rəqib qapımız qarşısında real qol şansı yarada bilməmişdi. Nəticəyə görə birinci hissədən sonra çox narazı idik. Futbolçularımı təbrik edirəm ki, oyunda dönüş yaratmağı bacardılar, hətta hesabda önə də keçə bilərdik. Rəqib komandalardakı futbolçuların orta yaş həddini və buna müvafiq fiziki hazırlığını nəzərə alsaq, ümumi nəticədən razı qala bilərik».

Mənbə: affa.az


Son xəbərlər