Kamal Özdəş: “Azərbaycanla oyunda qələbə bizim üçün önəmli idi”

XƏBƏR 15 Aprel 2010 / 10:49 1938
-  A +

 

“Turnirdə yaxşı start götürdük. Qol epizodlarından istifadə edərək, qələbə qazandıq. Bizim üçün ilk görüşdə qalib gəlib, turnirə yaxşı başlamaq önəmli idi”. Qol.Az-ın məlumatına görə, bu fikirləri Türkiyənin 19 yaşlılardan ibarət komandasının baş məşqçisi Kamal Özdəş deyib.
Əskişəhərdə startı verilən 19 yaşlılar arasında Avropa çempionatının elit raundunda ilk oyununu Azərbaycanla keçirən meydan sahibləri 2:0 hesablı qələbə qazanıb. Komandasının razı qalan Özdəş artıq növbəti oyunlar haqda düşünür: “Artıq Azərbaycanla oyunu unutduq. Bu görüşdə edə bilmədiklərimizi təhlil edib, bunun üzərində çalışacağıq. Yaxşı etdiklərimizi də nəzərdən keçirəcəyik. Sadəcə, İspaniya ilə oyunu düşünəcəyik. Turniri 1-ci yerdə bitirmək istəyirik. Futbolçularımı təbrik edirəm. Dost və qardaş ölkə Azərbaycana bundan sonrakı oyunlarda uğurlar arzulayıram”.


Son xəbərlər