Ağasəlim Mircavadov: “Bu, “Qarabağ”ın futbolçularının öz fikridir”

Ağasəlim Mircavadov: “Bu, “Qarabağ”ın futbolçularının öz fikridir”
XƏBƏR 7 Aprel 2010 / 16:54 2343
-  A +

«Qarabağ»la qarşılaşmada komandam normal oyun sərgilədi. Əsas məsələ qələbə qazanmaq idi. Güclü tərəf biz idik». Bu sözləri «Xəzər Lənkəran» klubunun baş məşqçisi Ağasəlim Mircavadov Qol.Az saytına açıqlamasında deyib.
«Neftçi» ilə qalmaqallı qarşılaşmadan sonra 4 oyunluq cəzalandırılan Ağasəlim Mircavadov komandasının «Qarabağ»ı 2:1 hesabı ilə məğlub etdiyi son matçı tribunadan izləmək məcburiyyətində qalıb.
A.Mircavadovun sözlərinə görə, «Xəzər Lənkəran»da çatışmayan bəzi şeylər hələ də qalmaqdadır: «Amma onların üzərində işləyirik». A.Mircavadov «Qarabağ»ın məşqçilərinin və futbolçularının bəxt amilinə görə qələbə qazana bilmədikləri barədə fikirlərinə belə münasibət açıqlayıb: «Bu, onların öz fikridir. Mən isə hesab edirəm ki, biz «Qarabağ»dan güclüydük».
Mircavadov bu həftə baş tutacaq «Bakı» ilə səfər qarşılaşmasına güclü hazırlaşdıqlarını da söyləyib: «Altılıq»da zəif komanda yoxdur. Təkcə «Qəbələ» komandasının son uğurlarına baxın. Mən həmişə qeyd etmişəm ki, əyalət komandaları daim inkişaf edirlər. «Qəbələ» komandası da bunu sübut edir. Onların uğurlarını təsadüf saymıram. Fikrimcə, çempionluq yarışında altı komanda sona qədər mübarizə aparacaq».

 


Son xəbərlər