Ramin Musayev: "Futbolçularımızda "ulduz xəstəliyi" var"

XƏBƏR 6 Aprel 2010 / 16:54 2436
-  A +

"Mən düz deməyi və birbaşa danışmağı xoşlayıram. Xaqani Məmmədov bu adı qazanmağa layiqdir. Amma martda onun adı yoxdur. Bu isə bir ay özünü göstərməsi, sonrakı ayda isə göstərməməsi ilə bağlıdır". Qol.Az-ın məlumatına görə, bu sözləri Unibank Premyer Liqasında fevral və mart aylarının ən yaxşı futbolçularının mükafatlandırılması mərasimində Peşəkar Futbol Liqasının prezidenti Ramin Musayev deyib.

Musayevin fikrincə, futbolçularımızda "ulduz xəstəliyi" var: "Xaqani Məmmədov buna görə inciməsin. İstəyirəm ki, hər ay öz futbolçularımız hamıdan güclü olsun. Araz Abdullayev isə yaşının az olmasına baxmayaraq, özünü təsdiqləməyi bacarıb".

”Unibank”ın İdarə Heyətinin sədri Faiq Hüseynov da hər iki futbolçunu təbrik edib: “Yaxın zamanda futbolumuza lazımi dəstəyi vermək üçün əlimizdən gələni etməyə hazırıq. İnanıram ki, futbolumuzun populyarlaşmasına nail ola biləcəyik”.

Bundan sonra fevralın ən yaxşı futbolçusu Xaqani Məmmədov kubok və pul mükafatı ilə mükafatlandırılıb. Araz Abdullayev hazırda 19 yaşlılardan ibarət yığma komandamızla birgə təlim-məşq toplantısında olduğu üçün ona çatacaq mükafatlar "Neftçi"nin baş məşqçisi Arif Əsədova verilib.

Arif Əsədov və "Karvan"dakı həmkarı Yunis Hüseynov bu təşəbbüsə görə, “Unibank” və PFL-ə minnətdarlıq edib. Hüseynov mükafatın "Karvan"ın yaxşı tərəfdən göstərdiyi vaxtlarda təsis edilməməsinə təəssüfləndiyini bildirib: "Yoxsa mükafat qazanan futbolçularımızın sayı-hesabı olmazdı.


Son xəbərlər