Bülənt Qorxmaz: “Azərbaycanda təbii örtüklü meydança tapmaq çətin məsələdir”

Bülənt Qorxmaz: “Azərbaycanda təbii örtüklü meydança tapmaq çətin məsələdir”
XƏBƏR 2 Aprel 2010 / 13:22 2441
-  A +

“Bakı”nın sabiq baş məşqçisi Bülənt Qorxmaz Türkiyənin “NTV Spor” telekanalının futbol proqramının qonağı olub. 42 yaşlı mütəxəssis müxtəlif mövzularda sualları cavablandırıb. O, Azərbaycana gəlişi, burada futbolun vəziyyəti və istefasının səbəbləri barədə danışıb: “Problemlərin olduğu bir ölkəyə getdiyimi bilirdim. Eyni zamanda, çatışmazlıqları aradan qaldıracağıma inanırdım. Orada 3 məqsəd üçün mübarizə aparırdım. Qarşıya qoyulan vəzifələrin öhdəsindən müəyyən qədər gəldim. Həm baza yaratdıq, həm ilk “altılığ”a düşdük, həm də gənc futbolçuların əsas heyətdə oynamalarını təmin etdik”. Qorxmaz Azərbaycandakı meydançaların vəziyyətindən şikayətlənib: “Orada təbii örtüklü meydança tapmaq olduqca çətin məsələdir. Sadəcə Tofiq Bəhramov adına Respublika stadionu təbii örtüyə malikdir. Biz də ev oyunlarımızı orada keçirirdik”. Qorxmaz istefası ilə bağlı məsələyə növbəti dəfə aydınlıq gətirib: “10-cu yerdə olan komandanı 3-cü pilləyə gətirmişdik. “Bakı” 14 oyun idi ki, uduzmurdu. Əlbəttə, belə bir məqamda məndən icazəsiz toplantı keçirmələrini qəbul edə bilməzdim. Bu toplantıların həmişə olacağını bilincə vəzifəmdən istefa verdim. Orada tam fərqli təcrübələr qazandım. çox təəccüblü və maraqlı idi. İnsan belə şeyləri gördükcə daha yaxşı formalaşır. Buna görə də onlara təşəkkürümü bildirirəm”. 
 


Son xəbərlər