"Bakı" klubu Bülənt Qorxmazın istefası ilə bağlı rəsmi açıqlama yaydı

XƏBƏR 22 Mart 2010 / 23:09 2034
-  A +

«Bakı» klubu türkiyəli mütəxəssis Bülənt Qorxmazın komandanın baş məşqçisi vəzifəsindən istefa verməsilə bağlı rəsmi açıqlama yayıb. Qol.Az-ın məlumatına görə, açıqlaqlamada deyilir: «»Bu gün komandamızın baş məşqçisi Bülənt Qorxmaz istefa verərək, tutduğu vəzifədən azad olunmasını xahiş edib. Baş məşqçinin istefa ərizəsi klub rəhbərliyi tərəfindən müzakirə edilib və bu barədə qərar qəbul olunub. 
"Bakı" futbol klubunun Bülənt Qorxmazla bu mövsümün sonuna qədər müqaviləsi var idi. Baş məşqçimizin təkidli istefası bu müqavilənin qüvvədən düşməsi anlamına gəlir. Bu qərar qarşılıqlı şəkildə verilir, klubumuz Bülənt Qorxmazla müqaviləsinə xitam verir.
Bülənt Qorxmaz 2009-cu ilin sentyabr ayından etibarən komandamızın baş məşqçisi vəzifəsində çalışıb. Türkiyəli mütəxəssis bu dövr ərzində özünü peşəkar, işinə ciddi yanaşan mehriban bir insan kimi tanıdıb. Onun "Bakı" futbol klubundan ayrılmaq qərarını təəssüflə qarşılayırıq.
"Bakı" futbol klubu Bülənt Qorxmaza təşəkkürünü bildirir, ona peşəkar karyerasında uğurlar arzulayır».  


Son xəbərlər