«Neftçi» Araz Abdullayevi «Rubin»ə buraxmır

«Neftçi» Araz Abdullayevi «Rubin»ə buraxmır
XƏBƏR 15 Mart 2010 / 19:22 2723
-  A +

Ötən şənbə günü Unibank Premyer Liqasında «İnter»ə qarşı oyunda komandasının əsas heyətində yer alan «Neftçi»nin gənc yarımmüdafiəçisi Araz Abdullayevin Rusiyanın «Rubin» klubuna keçidi baş tutmayacaq. Qol.Az-ın məlumatına görə, Arazın möhtəşəm oyunundan sonra klub rəhbərliyi futbolçunu komandada saxlamaq qərarına gəlib.
Müxbirimizlə söhbətində «Neftçi»nin vitse-prezidenti Tahir Süleymanov bu məsələnin hələ açıq qaldığını söyləyib. «Bildiyiniz kimi, Arazın 18 yaşı tamam olmadığına görə biz «Rubin»lə müqavilə imzalamamışıq. Sadəcə, bu komanda ilə şifahi razılığımız olub. Birdə ki, Arazın 18 yaşı tamam olandan sonra o, vətənə borcunu yerinə yetirməli və hərbi xidmətə yollanmalıdır».
Tahir Süleymanov Araz Abdullayevin «Neftçi»nin start heyətində yer almasını dəstəklədiklərini bildirib. «Bu mənada, bizim futbolçular da xarici klublara keçmək məsələsində tələsməməlidirlər. Onlar «Neftçi»də öz təcrübələrini daha da artırmalıdırlar. Biz futbolçularımızın Avropa ya və Rusiya klublarına gedib ehtiyatda qalmasını istəməzdik».


 


Son xəbərlər
17.12.25  15:40

Levandovski MLS yolunda