18:30
"Qarabağ"ın yarımmüdafiəçisi Rahid Əmirquliyev Azərbaycan kubokunun yarımfinalında "Neftçi" ilə cavab oyunundan (0:0) sonra jurnalistlərin suallarını cavablandırıb. Qol.az-ın məlumatına görə, o, əvvəlcə matç barədə danışıb.
- İlk matçda qələbə qazanmağımıza baxmayaraq, bilirdik ki, bu oyun bizim üçün çətin olacaq. Ona görə də ciddi hazırlaşmışdıq. İstəyirdik ki, cavab oyununda da qələbə qazanaq, amma alınmadı. Oyuna gəlincə, məncə, pis təsir bağışlamadıq.
- Sanki “Neftçi” hər şeylə barışmışdı. Rəqib futbolçu kimi sən bu haqda nə düşünürsən?
- Mən inanmıram ki, “Neftçi” məğlubiyyətlə barışsın. Çünki kubokdan Avropa Liqasına vəsiqə qazanmaq şansları var idi. Yəqin ki, biz onlara oynamağa imkan vermədik. Şanslarından istifadə edə bilsəydilər, bəlkə də başqa cür ola bilərdi.
- Sizin də bir neçə epizodda qol vurmaq imkanınız olsa da, yararlana bilmədiniz...
- Düzdür. Çalışırdıq ki, rəqibi əks hücumlarda yaxalayaq. Amma alınmadı.
- İlk matçda qələbə qazanmasaydınız, bu oyun yəqin ki, daha çox hücum edərdiniz.
- Bəli, elədir. İlk matçdakı iki qollu qələbə bizi rahatlaşdırmışdı. Buna baxmayaraq, bu oyuna da çox önəm verirdik.
- Kubokun finalında rəqibiniz “Qəbələ” olacaq. Amma finaldan öncə də “Qəbələ” ilə oyununuz olacaq. Yəqin ki, həmin görüşə final gözü ilə baxırsınız...
- Bundan sonra keçirəcəyimiz bütün oyunlar finala bərbərdir, xal itirmək olmaz. Çalışmalıyıq ki, rahat oynaya bilmək üçün “Qəbələ” ilə oyunda qələbə qazanaq.
- Səni uzaqdan zərbələrin mahir ifaçısı kimi tanısaq da, uzun müddətdir bunu etmirsən. İnamsızlıq yaranıb, yoxsa, baş məşqçinin tapşırığıdır?
- Yox, inamsızlıqdan söhbət gedə bilməz. Baş məşqçi də demir ki, zərbə vurma. Sadəcə, zərbə üçün imkan olmayıb.
- Bir müddət az-az oynamaq şansı qazanırdın. Meydana çıxmamaq təsir etməyib?
- Doğrudur, az matça çıxanda oyun praktikasından əziyyət çəkirsən. Çalışıram ki, öz üzərimdə işləyim və daim əsas heyətdə yer alım.
Məftun RƏSULZADƏ
_22.01.19.jpg)
"Yuventus" futbolçusuna 7,5 milyonluq müqavilə təklif etdi
"Karvan" "İmişli"ni belə məğlub etdi - Video
"Milan"ın Menyan qərarı
Xviça yalnız bu şərtlə "Napoli"də qalacaq
"Difai Ağsu" - "Mingəçevir" oyununda 5 qol - Video
"Atletiko" Oblakı transferə çıxardı
"Difai Ağsu" və "Karvan"dan qələbə
Əvəzedicilər Liqasında 32-ci tur başa çatdı
ÇL-in oyunu bu kanallarda
Azərbaycanlı nümayəndə ilk dəfə Avropa çempionatında
"Qusar"ın səfər qələbəsi - Video
Tuhel: "Madriddə qələbə qazanmalıyıq"
Timo Verner üçün mövsüm başa çatdı
Del Boskeyə vəzifə verildi
Buffon 12 il əvvələ qayıtmaq istəyir
Qvardiola peşmandır
Təzimə layiq o ötürmə barədə danışdı
“Qarabağ”ı özlərinin “Qorxulu siyahısı”na saldılar
Məşhur qapıçı Avro-2024-də olmayacaq
