00:01
"Qarabağ"ın vitse-prezidenti Tahir Gözəl Azərbaycan kubokunun yarımfinalında "Neftçi" ilə ilk oyundan (2:0) sonra Qol.az-ın müxbirinin də iştirak etdiyi brifinqdə jurnalistlərin suallarını cavablandırıb. O, ilk olaraq qələbəni şərh edib.
- Çox gözəl və maraqlı oyun izlədik. 2 qolu da erkən vurmağımız bizim işimizi asanlaşdırdı. Oyun boyu temp yüksək oldu. Məğlub olmasına baxmayaraq, “Neftçi” də çox çalışdı. Əsas heyət oyunçularımızdan bir neçəsi oyunda iştirak edə bilməsə də, layiqli qələbə qazandıq. Mən komandamın oyunundan razı qaldım.
- Oyunun atmosferi, azarkeşlərin dəstəyi xoşunuza gəldi?
- Bəli, mən çox bəyəndim. Gözəl matç keçdi.
- Artıq “Qarabağ”ın finala vəsiqə qazandığını demək olarmı?
- Yox, mən futbolda öncədən belə bir şeyi deməyə heç vaxt cəsarət etmərəm. Bu matçın cavab qarşılaşması da keçiriləcək. Bizdə böyük həvəs var. Doğma meydanda oynayacağıq. Bu da bizə üstünlük verəcək. Azarkeşlərimizi oyuna, tribunaları doldurmağa dəvət edirəm.
- “Qəbələ” də “İnter”i səfərdə 3:1 hesabı ilə məğlub etdi. Finalda “Qəbələ” ilə qarşılaşmaq necə olardı?
- Doğurdan da çox maraqlı olacaq. Həm çempionatda, həm də kubokda mübarizə aparacağıq. Maraqlı oyun olacaq. Hər şeyi zaman göstərəcək.
- Əgər finala yüksəlsəniz, həlledici görüşün Naxçıvanda olmaq ehtimalı yüksəkdir. Sizcə, bu, komandaya necə təsir edəcək?
- Doğurdan? Mən bu məlumatı ilk dəfə eşidirəm. O zaman hamımız Naxçıvanda, finalda görüşərik (gülür).
- Qara Qarayevin millinin heyətində keçirdiyi Almaniya ilə oyundan sonra Avropa klublarının maraq dairəsinə düşdüyü xəbəri yayılmışdı. Əgər belə bir təklif olsa, Azərbaycan futbolu naminə Qarayevi az məbləğ qarşılığında satarsınızmı?
- Mənim bu barədə də məlumatım yoxdur. Təklifə gəlincə, bu barədə Qurban müəllimlə danışmaq lazımdır. Əgər Qurban müəllim razılıq verərsə, satarıq. Mənim şəxsi fikrimə görə, Qarayev xaricə getmək və orada inkişaf etmək şansı olarsa, bu keçid “Qarabağ”a mənfi təsir göstərməyəcəksə, onun yerini dolduracaq futbolçumuz varsa, getməyini dəstəkləyərəm. Amma “Qarabağ”a mənfi təsir etməmək şərti ilə.
- Siz Qara Qarayevi Avropanın çempionatlarında oynamağa hazır sayırsınızmı?
- Qarada möhtəşəm istedad var. Niyə də olmasın? Məncə, o, bunu bacara bilər. Amma bilirsiz ki, bəzən elə olur ki, bir futbolçu başqa kluba keçdikdə, uyğunlaşmır, başqa problemlər olur və nəticə verə bilmir. Qaranı kiçik yaşlarından biz yetişdirmişik. “Qarabağ”ı düşünəndə belə bir futbolçunu itirmək istəmirik. Amma o, Avropanın aparıcı klublarına keçə bilərsə və bu, ona xeyir verəcəksə, bu keçidə əngəl olmayacağıq.
Məftun RƏSULZADƏ
_22.01.19.jpg)
"İnter Mayami" Messinin daha bir dostu ilə danışıqlar aparır
Azərbaycanın U-17 millisi Belarusa uduzdu
“Sabah”ın Tərtərdəki seçimləri yekunlaşdı
"Şamaxı"nı 2-ci pilləyə yüksəldən qələbə - Video
Avro-2024-ü buraxacaq
"Çelsi" Konteyə təklif göndərdi
"Qaradağ Lökbatan" "Araz-Saatlı"ya aman vermədi - Video
Tonalinin cəzası iki ay uzadıldı
Liderdən qələbə, "Şamaxı" 2-ci pilləyə yüksəldi
Ranqnik "Bavariya"dan niyə imtina edib?
"Real"ın kapitanı Messi ilə komanda yoldaşı olacaq
Fransa klubu baş məşqçisini istefaya göndərir
"Real" Marselonun oğlu ilə müqaviləni uzatdı
Rusiya millisi üçün yeni rəqib
Benzema "Real"ın bazasında
"Borussiya" Hummelslə bağlı qərar verdi
"Real" ukraynalı qapıçı ilə yeni müqavilə imzalayır
Almaniya Çempionlar Liqasında daha bir yer qazandı
Ranqnik "Bavariya" ilə planlaşdırılan görüşü ləğv etdi
Klublar Komitəsinin növbəti iclası keçirildi - Şəkillər
A seriyasına yüksələn ilk komanda bilindi
Luis Enrike məğlubiyyəti şərh etdi
Avrokubokun oyunlarını göstərəcək kanalların siyahısı
UEFA bu futbolçuların oyununu səsverməyə çıxardı
Mbappe kuryoz hadisə ilə üzləşdi
"Traktor" liderdən xal aldı
"Bayer" "Roma"ya, "Marsel" "Atalanta"ya qarşı
"Borussiya" PSJ-ni belə məğlub etdi - Video
"Borussiya" PSJ-yə qalib gəldi
Ronaldo dubl etdi, "Əl-Nəsr" finala adladı
"Yuventus" futbolçusuna 7,5 milyonluq müqavilə təklif etdi
"Karvan" "İmişli"ni belə məğlub etdi - Video
"Milan"ın Menyan qərarı
Xviça yalnız bu şərtlə "Napoli"də qalacaq
"Difai Ağsu" - "Mingəçevir" oyununda 5 qol - Video
"Atletiko" Oblakı transferə çıxardı
"Difai Ağsu" və "Karvan"dan qələbə
Əvəzedicilər Liqasında 32-ci tur başa çatdı
ÇL-in oyunu bu kanallarda
Azərbaycanlı nümayəndə ilk dəfə Avropa çempionatında
"Qusar"ın səfər qələbəsi - Video
Tuhel: "Madriddə qələbə qazanmalıyıq"
Timo Verner üçün mövsüm başa çatdı
