"Yalnız Almaniya bizə qol vura bilib" - rəqibimizin baş məşqçisi
"Biz qrupda yaxşı vəziyyətdəyik. Komandmız getdikcə lazım olan səviyyəyə çatır".
Qol.az-ın məlumatına görə, bu sözləri Şimali İrlandiya millisinin baş məşqçisi Maykl O'Nil
DÇ-2018-in seçmə mərhələsində Norveçə qalib gəldikləri oyundan (2:0) sonra deyib.
Qrupda ikinci pilləyə yüksələn Şimali İrlandiya yığmasının növbəti oyunu milimizə qarşı olacaq. Rəqibimizin baş məşqçisi Bakıda keçiriləcək görüş haqda da fikir bildirib: "Qalib gəlsək, Azərbaycanla xal fərqini 6-ya çatdıracağıq. Sonra isə Almaniya və Çexiya ilə rəqabətə girəcəyik".
47 yaşlı mütəxəssis qrupdan çıxmaq şanslarını yüksək olduğunu əlavə edib:"Düşünürəm ki, dünya çempionatına yollana bilərik. Bizim ev oyunlarında əla rekordumuz var. Bundan başqa, 5 oyunun 4-də qol buraxmamışıq. Yalnız dünya çempionu Almaniya bizə qol vura bilib".
Qeyd edək ki, millimiz Şimali İrlandiya ilə iyunun 10-da qarşılaşacaq. Komandamız səfərdə keçirilən ilk görüşdə bu rəqibinə 0:4 hesabı ilə uduzub.