AFFA Hakim-İnspektorlar Komitəsinin sədri Əli Hüseynovun müsahibəsi
- Hakimlərin qış fasiləsində Antalyadakı təlim-məşq toplanışında siz də iştirak etdiniz. Ancaq gözlənilənlərin əksinə olaraq ədalət təmsilçiləri ilk 2 turda xeyli səhvə yol verdilər və bu, kəskin narazılıqla qarşılandı. Hətta qərəzin olmasından söz açılır...
- Qərəz ola bilməz. Çünki qərəzli hakim bizim sıralarımızda olmasının mümkünatı yoxdur. Ancaq səhv olub. Biz deyə bilmərik ki, olmayıb. Hesab edirəm ki, bu, son səhvlər olar və bundan sonra yol verilməz. Sabah AFFA-da yığışaraq toplantımız olacaq və hakimlərə son xəbərdarlıqlarımızı edəcəyik. Araşdıracağıq ki, səhvlər nədən irəli gəlir. Niyə adi epizodlarda səhvlər edirlər? Düşünürəm ki, bu səhvlərin sonu olacaq.
- Ancaq səhvlər davam edir. Nədə əminsiniz ki, sonu olacaq?
- Ona görə ki, qərəzin olmadığını bilirəm. Bu zaman səhvləri düzəltməyə imkan tapacağıq.
- Bəs qərəzin olmadığına nədə əminsiniz?
- Qərəzli hakim görmürəm ki, hansısa komandaya qarşı qərəzli mövqedə olsun. Ürəyim mənə deyirəm və daxilən inanıram ki, qərəz ola bilməz. Düzdür, səhvlər var və bunu qəbul edirəm. Ancaq hansısa komandaya qarşı qərəz yoxdur.
- Bu 2 turda hansı səhv olub ki, onu yaxşı şəraitdə hazırlıq keçən hakimlərə bağışlamırsınız?
- Hakim hansısa səhv edirsə, baxır onun ilk növbədə təcrübəsinə. Gənc olanda, deyirik ki, bəli, səhv edə bilər. Elələrinə bağışlaya bilərik. Ancaq təcrübəli hakim səhv edirsə, bunu heç cür bağışlaya bilmirik. Bu da epizodlardan asılıdır. Elə epizod olur ki, gözlə dərhal müəyyən etmək çətindir. Meydanda olan futbolçular, kənardakı azarkeşlər və sair öz təsirini göstərir. Hakim hər bir şeyə diqqət yetirdiyinə görə bəzi halllarda adi şeyləri gözdən qaçırır. Bizdə fikir yaranır ki, qərəzdir. Ancaq mən belə hesab etmirəm.
- Son turda "Qəbələ" - "Neftçi" oyununda hakim inspektor olmusunuz. Təcrübəli hakimin buraxdığı səhvi deyəndə, oyunu idarə edən Fariz Yusifovu nəzərdə tutursunuz?
- Yox. Fariz Yusifovun səhvi olmadı. Gördüyünüz kimi, qapı arxasında olan hakim, əlavə köməkçilər olmasa da, o, yaxşı idarəçilik etdi. Yusifov meydanın hər bir hissəsindəki epizodları görürdü. Sadəcə olaraq, yan xətt hakimi Yaşar Abbasov qoldan qabaq oyundankənar vəziyyətdə səhv etdi. Fariz də bunu öz üzəirnə götürə bilməzdi. Ancaq ümumilikdə həmin briqada oyunu çox gözəl idarə etdi. Komandalar hiss elədi ki, meydanda hakim var.
- Ancaq qolun ofsayddan vurulduğunu açıqladınız...
- Elə şeylər var ki, biz təsdiqləyə bilmərik. Biz özümüzdən Amerika açmarıq. Qol epizodunda ilk ötürmədə yox, ikinci ötürmədə oyundan kənar vəziyyət vardı.
- Sizcə, bu nəticəyə təsir edən səhvdir?
- Yox. Nəticəyə təsir edən o səhv olardı ki, ofsayddan olan futbolçu qol vursun. Ancaq həmin yan xətt hakimi təcrübəlidir və ona belə şeyləri bağışlamaq da olmur. Gərək həmin epizodda baş çıxarardı.
- Həmin hakimə aşağı qiymət verəcəksiniz? Ona cəza gözlənilirmi?
- Hər halda, köməkçinin qiymətinə o qədər yüksək ola bilməz. Məsələn, bu epizod olmasaydı, mən nə fikirləşərdim. Fikrimcə, gələn turlarda öz yerini tutacaq.
- Bu turda "AZAL - "Qarabağ" oyununda Orxan Məmmədovun idarəçiliyi, verdiyi qırmızı vərəqə müzakirə olundu. Zirədəki matçda iki qırmızı vərəqə göstərildi...
- Həmin epizodlara baxacağam. Görüm ki, qırmızı vərəqə nədən olub. Biz də hiss edirik ki, gərginlik artır. Hakimlərə ancaq tövsiyəm olacaq ki, diqqətli olsunlar. Heç bir komandanın hüquqları tapdanmasın. Çalışsınlar ki, onları qorusunlar. Vərəqələrdə bir az diqqətli olsunlar. Antalyada təlim-məşq toplanışını yaxşı keçdilər. İdarə etdikləri hər yoxlama matçlarında nümayənədlərimiz vardı. Gəldik, təhlil elədi. Videotəhlillərimiz oldu. Səhvlərimizi başa saldıq. Elə şeylər var ki, hamısını əhatə etmək mümkün deyil.
- "Qarabağ"la "Qəbələ" arasında gərginlik təkcə meydanda yox, ondan kənarda da gedir. Mətbuatda müxtəlif fikirlər səsləndirilir...
- Bu danışıq olmalıdır. Bu da futbolun bir tərəfidir, gözəlliyidir. O belə deyir, bu belə. Komandalar bir-birindən 1 xal geri qalırlar. Hər ikisi oynayan komandadır. "İnter"i də bura əlavə edərdim, çempionluğa layiq komandalardır. Oynasınlar, heç kim onlara maneçilik törətmir. Çox güman ki, öz aralarındakı oyunları məsələni həll edəcək. 1 xal nədir ki? Böyük fərq deyil. Hər an hər şe dəyişə bilər.
Mənbə: sportnet.az
"Qarabağ"ın "Turan Tovuz"u məğlub etdiyi oyun - Video
"Qarabağ" 7 qollu oyunda "Turan Tovuz"a qalib gəldi
UEFA-dan Şahruddinin oynadığı kluba avrokubok cəzası - Rəsmi
"Yuventus" Alleqrini istefaya göndərdi
"Qarabağ" - "Turan Tovuz": Heyətlər
Tuhel qərarını dəyişmədi
"Marsel"in baş məşqçisi karyerasını başa vurur
Azərbaycan cüdoçuları Avropa Kubokunda iştirak edəcəklər
1-ci liqada son turun oyunları eyni gündə, eyni saatda
"Yuventus"dan Mottaya 3 illik müqavilə təklifi
İki futbolçu "Liverpul"dan ayrılır - Rəsmi
FİFA VAR-la bağlı yeni qaydalar tətbiq edir
“Qarabağ” - "Turan Tovuz" oyununda qadın hakimlər
"Onlara daim deyirəm ki, yaraşıqlı, gözəl görünmək istəyirsinizsə, idmanla məşğul olun"
1-ci liqada çempionun mükafatlandırma vaxtı müəyyənləşdi
Robin van Persi baş məşqçi təyin edildi
Fatih Terim istefa verdi
Yasin Benzia "Qarabağ"dan ayrılırmı?
"İmişli"nin legioneri 5 oyunluq cəzalandırıldı
AFFA rəhbərliyi FİFA-nın Konqresində
“Misli.az ilə Avropaya” – İlk tirajın nəticələri
PFL 35-ci turun hakimlərini açıqladı
Azərbaycan futzal millisinin səbəti müəyyənləşdi
"Qarabağ"la yeni müqaviləni müzakirə edirik" - Andrey Lunyov
Azərbaycanın 2 boksçusu finala vəsiqə qazandı
Fransa millisinin Avro-2024 üçün heyəti açıqlandı
Rövşən Nəcəf UEFA prezidenti ilə görüşdü
"Barselona" səfərdə qalib gəldi
Musanın komandasından darmadağın
"Traktor" kubokla vidalaşdı
Ramilin komandası da Superliqa şansını itirdi
“Sabah” Abşerondan 52 uşaq seçdi
"İmişli" autsayderlə bacarmadı - Video