Azərbaycan üçün avrokuboklarda 21-ci mövsüm başa çatıb. 2016/17 mövsümü ilk dəfə ardıcıl 2-ci mövsüm 2 təmsilçimizin qrupda çıxış etməsi ilə tarixə düşüb. Ancaq bu dəfə də "Qarabağ”la "Qəbələ”dən heç biri 1/16 finala çıxa bilmədiyindən, ilkə imza ata bilmədik.
"Qəbələ” ötən mövsümdə olduğu kimi, mübarziəyə ilk təsnifat mərhələsindən başlayaraq qrupa düşüb. "Qarabağ” isə ənənəni pozmayb – mübarizəni Çempionlar Liqasında (ÇL) başlayaraq orda çıxışını dayandırdıqdan sonra Avropa Liqasına yollanıb və qrupa vəsiqə qazanıb. Ağdam klubu ən çox - ardıcıl 3 mövsüm bu mərhələdə iştirak edən təmsilçimiz kimi rekordçudur.
Bu mövsüm klublarımız avrokuboklarda 34 oyun keçiriblər. Ən çox matç "Qəbələ”nin hesabındadır – 14. "Qarabağ” 12, "Kəpəz”lə "Neftçi” hərəyə 4 qarşılaşmaya çıxıb. Qurban Qurbanovun komandası digər 3 təmsilçimizdən fərqli olaraq 1 yox, 2 turnirdə - həm ÇL-də, həm də Avropa Liqasında çıxış edib.
"Kəpəz”lə "Neftçi” mübarizəni Avroliqanın II təsnifat mərhələsində dayandırıblar. Onlar hərəyə 1 qələbə qazanaraq buna evdə yox, səfərdə nail olublar. "Ağ-qaralar” Maltada "Baltsan"a 2:0, Gəncə təmsilçisi Moldovada "Daçiya”ya 1:0 hesabı ilə qalib gəlib. "Neftçi” ilə "Kəpəz” qalan 3 oyundan 1-də heç-heçə edərək 2-də uduzub. Bakı klubunda topıların fərqi 3-3, Gəncə komandasında 1-3-dür. Şahin Diniyevin yetirmələri evdə qol vura bilməməyi ilə diqqət çəkib. "Kəpəz”lə bağlı digər məqamlar Avropa Liqasında adlanan yarışda debütü, 15 ildən sonra avrokuboka qayıdışıdır.
"Qəbələ” 14 oyundan 5-də qalib gəlib, 1-də bərabərliyə qalıb və 8-də məğlub olub. Bunlardan 6-sı qrup matçları olub. "Qırmızı-qaralar” rəqib qapılardan 20 top keçirib və 21 qol buraxıb. Roman Qriqorçukun komandası qrupda bütün matçlarını uduzsa da, debüt etdiyi ötən mövsümlə müqayisədə daha yaxşı göstəriciyə imza atıb. Bu, qələbə (əvvəlki 3), qol sayında (əvvəlki 11) və topların fərqində (əvvəlki 11-18) olub. Düzdür, "Qəbələ” bu dəfə meydanı daha çox (əvvəlki 8) məğlub tərk edib.
"Qarabağ”ın isə 12 oyunda qələbə, heç-heçə və məğlubiyyət sayı bərabərdir – hərəsində 4. Ağdam klubu ötən mövsümdə də meydanı 4 dəfə qalib tərk etmişdi. Ancaq heç-heçə indikindən az (3), məğlubiyyət çox (5) olmuşdu. Qurban Qurbanovun komandasında topların fərqi indi 14-15 olubsa, keçən mövsüm 9-9 idi.
Beləliklə, Azərbaycan bu mövsüm avrokuboklarda 34 oyundan 11-də qalib gəlib, 7-də heç-heçə edib, 16-da uduzub (topların fərqi 38-41). Göründüyü kimi, göstəricilərdə mənfi saldoya malik olmuşuq.
Başa çatan avrokubok mövsümündə bombardirimiz "Qəbələ"də debüt mövsümünü keçirən Teo Uiks olub. Liberiyalı yarımmüdafiəçi 5 dəfə fərqlənib. Özü də Uiks bunlardan 4-nü bir rəqibə - I təsnifat mərhələsində Gürcüstan "Samtredia"sına vurub. O, daha bir qola II təsnifat mərhələsində Macarıstan MKT-sini evdə 2:0 hesabı ilə məğlub etdiyimiz cavab matçında imza atıb.
Teo eyni zamanda yeganə het-trikin müəllifidir - "Samtredia"ya evdə 5:1. "Qəbələ”nin fransalı hücumçusu Baqali Dabo ("Maribor”a evdə 3:1) ilə Riçard Almeyda ("Düdelanj”a evdə 2:0) dubl müəllifi olublar. Dabo ilə yanaşı, komanda yoldaşları – xorvatiyalı yarımmüdafiəçi Filip Ozobiçlə millimizin hücumçusu Ruslan Qurbanov hərəyə 3 dəfə fərqlənməklə bombardirinin ən yaxın izləyiciləri olublar. Sadəcə, Ruslan qollardan 2-ni "Qəbələ”də, 1-ni "Neftçi”də vurub.
"Qarabağ”da avrokuboklarda başa çatan mövsümdə ən çox qol vuranlar 6 nəfər olub. Almeyda ilə yanaşı, Muarem Muarem, Migel Madera, Dani Kintana, Rəşad Sadıqov və Reynaldo Silva hərəyə 2 qol vurub. Dino Ndlovu ilə Rahid Əmirquliyev hərəyə 1 dəfə fərqlənib. "Kəpəz"in yeganə qoluna braziliyalı yarımmüdafiəçisi Dario Federiko imza atıb. "Neftçi"dən isə Ruslanla yanaşı, Rəhman Hacıyev və braziliyalı müdafiəçi Jayro Rodriges fərqlənib (sportnet.az).
Tovuzda master-klass
Minifutbol üzrə Azərbaycan çempionatının qalibi müəyyənləşdi
"Füzuli"nin hücumçusu 1 oyunda 7 qol vurdu - Video
"Real" Ardaya görə Modriçlə müqaviləni uzatmayacaq
"Bakı Sportinq"in çempionluq oyunu - Video
PSJ-dən Kvaratsxeliya üçün 80 milyon avro
“Barselona” 7 illik müqavilə bağladığı futbolçunu satır
Jirunun yeni klubu rəsmən açıqlandı
2-ci liqanın qalibi müəyyənləşdi
Azərbaycan çempionatında qapıdan qapıya qol - Video
Türkiyə Superliqasında yeni mövsümün başlanma tarixi bilindi
Macarıstan millisinin Avro-2024 üçün heyəti açıqlandı
Ramos MLS təmsilçisinə transfer olur
Dibala bu klubda oynaya bilər
"Bavariya"nın futbolçusu Avro-2024-də oynamayacaq
Varan "Mançester Yunayted"dən gedir - Rəsmi
Səudiyyə Ərəbistanı klubu Qalyardonu göndərir
PSJ-də növbəti ayrılıq
UEFA-dan Avro-2024 öncəsi yeni qərar