İntizam Komitəsi "Xəzər Lənkəran"a xəbərdarlıq etdi

İntizam Komitəsi "Xəzər Lənkəran"a xəbərdarlıq etdi
XƏBƏR 16 Fevral 2010 / 12:50 1899
-  A +

Bu gün AFFA İntizam Komitəsinin iclası keçirilib. Qol.Az-ın PFL-in rəsmi internet saytına istinadən verdiyi məlumata görə, Unibank Premyer Liqasının XX turu çərçivəsində baş tutan "Karvan" - "Neftçi" matçında meydan sahiblərinin iki üzvü - Şəhriyar Rəhimov və İsmayıl Məmmədov ikinci sarı vərəqə alaraq meydandan kənarlaşdırıldıqları üçün hər iki futbolçu 1 oyunluq cəzalandırılıb. “Karvan” isə 400 manat cərimə olunub.
"Turan" - "Muğan" matçında Tovuz klubunun 4 futbolçusu sarı vərəqə ilə cəzalandığı üçün klub 1000 manat cərimə olunub. "Turan"ın qapıçısı Kamal Bayramov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub isə daha 200 manat cərimə olunub.
"Xəzər Lənkəran" - "Qarabağ" matçının keçirildiyi stadionda  PFL-in baş sponsoru Unibankın reklam banneri yerləşdirilməyib. Bu səbəbdən "Xəzər Lənkəran" klubuna xəbərdarlıq edilib və növbəti ev oyunlarında bu halın təkrar olunacağı təqdirdə kluba qarşı daha sərt sanksiyalar tətbiq olunacağı bildirilib.   

 


Son xəbərlər