Artyom Bezrodnı sərxoş halda İmişli qəbirsanlığında yatdığını inkar etdi

Artyom Bezrodnı sərxoş halda İmişli qəbirsanlığında yatdığını inkar etdi
XƏBƏR 16 Fevral 2010 / 11:56 3526
-  A +

“Bir şəxs məni aldatdı. Azərbaycanda yaxşı komandada oynayacağıma söz verdi. Dedi ki, “Araz” adlanır, Bakıda yaşayacaqsan. Komandanın bazasına yaxınlaşanda isə məlum olur ki, bu Bakı yox, hansısa auldur”. Qol.Az-ın məlumatına görə, bu sözləri Moskva “Spartak”ındakı çıxışlarıyla tanınan, bir müddət Azərbaycanda, “MKT-Araz”da çıxış edən Artyom Bezrodnı deyib.
Təcrübəli futbolçu həmin günlərini yada salmaq belə istəmir: “Qadınlar çarşabda gəzirlər. Kişilərə hətta 50 dərəcə isti olsa belə, tumanda gəzməyə icazə vermirlər. Gələndən az sonra vətənə həyat yoldaşımı gətirmək üçün yollanmağıma icazə verdilər. Xarici pasportla bağlı problemlə yarandığı üçün geri qayıda bilmədim. Görünür, Azərbaycandan olan uşaqlar məni başa düşmədilər. Sumıya məsələni saf-çürük etməyə gəlmişdilər. Bunu yada salmaq elə də xoş deyil. Ancaq indi hər şey normaldır”.
Bezrodnı sərxoş halda İmişli qəbirsanlığında yatdığını da inkar edib: “Bu mənim bioqrafiyamda “sevimli” dövrdür. Qardaşım həmin yalanı internetdə yayan şəxsi tapa bildi. Müəllif kiməsə istinad edirdi, üzr istəyirdi, ancaq artıq informasiyanı çıxartmaq mümkün olmadı. Mənə elə gəlir ki, bu kiminsə sifarişi idi. Mənim yoluma paxıllar və ümumiyyətlə, pis adamlar az çıxmayıb. Sərxoş, özü də qəbiristanlıqda! Klub prezidentləri və baş məşqçilər bu cəfəngiyatı oxuyub, inanırlar...”


Son xəbərlər